မုန်းတိုင်ဖြတ်ကျော်စဉ်အတွင်း တနာရီကို မိုင်(၈၀-ကနီ ၉၀ )နုန်းနန့် လီပြင်းတိုက်ခတ်လာနိုင်ကြောင်း လီပြင်းနန့်အတူ အမြင့်ပေ(၅-ပေကနီ ၇-ပေ)ထိ ရီပါ တက်လာနိုင်ရေလို့ ကြေညာချက်မှာဆိုသည်။

အဓိကဖြတ်ကျော်လားဖို့နီရာတိက မြစ်ကမ်းနားဒေသတိဖြစ်တေ တက္ကနာ ဖလောင်းချစ် စစ်တကောင်းမြို့   ဘောရီးချတ်(ခေါ်) ဘင်္ဂလားအဝကျွန်း (ကံဆိပ် ရခိုင်လူမျိုးတိနီထိုင်ရေ) ဒေသတိကို စိုးရိမ်သတိပီးချက်အမှတ် အနီရောင်အဆင့်(၇)ပီးထားကြောင်းနန့် မောင်လ(ခူလ်းနာ) ကမ်းခြီကို အဆင့်(၅)သတိပီးထားရေလို့ ဆိုပါရေ။

မဟာစင်မုန်းတိုင်းကိုရင်ဆိုင်ဖို့ ဘင်္ဂလာအစိုးရက ကြိုတင်ပျင်ဆင်ချက်တိနန့် ပတ်သက်လို့ လူ့အခွင့်အရီးစောင့်ရှောက်ရီး အဖွဲ့ဝင် ဖလောင်းချိတ်တာဝန်ခံ ကိုကျော်ဇောအောင်ကို လေးဝတီကမီးရေခါ ” အစိုးရက ကမ်းခြီဒေသတိကို အရီးစိုက်ပနာ ကယ်ဆယ်ရီးလုပ်သား ဆရာဝန် မုန်းတိုင်းအထူးသတိပီးရေ လက်ကိုင်မိုက် လော်စပီကာကြီးတိနန့် နာရီဝက်တခါ ကျေညာပြီးကေ လုံခြုံရီးအဖွဲ့ဝင်တိပါ ဆက်တိုက်ကူညီနီကတ်ပါရေ ပင်လယ်နားမာနီထိုင်ကတ်တေ လူတိကို ဘေးလွတ်ရာ ကယ်ဆယ်ရီး ဆိုင်ကလုန်စင်တာတိကို ပို့ဆောင်ပီးနီပါရေ ဈီဆိုင်တိနန့် ကွန်ပျူတာဆိုင်တိ ပိတ်နီကတ်ပါဗျာယ် လီကြောင်းပျံသန်းမှူတိကို ဂနိန့်ည(၄)နာရီကပင် တနိုင်ငံလုံး ပိတ်ဖို့လို့ ကျေညာနီပါရေလို့” ပြောသည်။

တနိုင်ငံလုံးဟိ ဆိုင်ကလုန်ဆင်တာတိကို အသက်ကြီးတိ အချေအငယ်တိနန့် ကျွဲနွားတိရစ္ဆာန်တိကို ပြောင်းရွှိနီကြောင်း ဗုဒ္ဓဘာသာရခိုင်လူမျိုးတိ နီထိုင်ရေ ဖလောင်းချိတ်ခရိုင် ကယုချောင်း မြစ်နားရွာ နီလာ ခြံချောင်း ဖလောင်းချိတ် မဟာဇော သော်ဒီဂျာ အစဟိရေ ရွာတိကို လူမျိုးရေးအရ သီးသန့်ကူညီပီးစွာတိ အားနည်းနီရေလို့ သူကဆက်ပြောပါရေ” ကျွန်တော်ရို့  ရခိုင်သားတိကို မုန်းတိုင်းအတွက် ကာကွယ်ပြင်ဆင်ဖို့  သီးသန့်လားရောက် ကူညီပီးစွာတိမဟိပါ ကိုယ်ရို့အသိနန့် ကိုယ်ရို့နီးစပ်တေ ကယ်ဆယ်ရီးစင်တာတိကို လားနီကတ်ပါရေလို့ ”ပြောလားပါရေ။

မုန်းတိုင်းသတိပီး ကျေညာစွာတိမာ ခြောက်သွိရေအစားအစာတိနန့် သောက်ရီဗူးကြီးတိကို ကိုယ့်အိမ်ခြံဝိုင်းမာ အနက်ပေ(၁)ပတ်လည်တူးပနာ ပလပ်စတစ်အထပ်ထပ်အုပ်လို့ မြီမြုတ်ထားဖို့ ဓါတ်မီး ဂစ်ဆ်မီးဆွဲ ခြုံထည်ပဆိုးပါးပါးချေ သတိပီးအနီရောင်အလံတခု ရီနံဆီမှန်အိမ်တလုံး သံပလွီတလုံး မိုဘိုင်းဖုန်းစရေစွာတိကို အားသွင်း ဆီဖြည့်ထားကတ်ဖို့ အိမ်နားကသစ်ပင်ကြီးတိကို ခွတ်ပနာရှင်းထားဖို့ ဝမ်းပျက်ရောက်ဂါ အတွက်ဆလိုင်ရည် ဖျော်သောက်ဖို့ ဆီးပစ္စည်းတိစုထားကတ်ဖို့ စရေ သတိပီးချက်တိနန့် ကျေညာပီးနီကြောင်းလေးသိရပါသည်။

ဘောရီးချတ်(ခေါ်)ဘင်္ဂလားအဝကျွန်းက ရခိုင်ဖွဲဖြိုးရီးဥက္ကဌ ကိုအေးမောင်ကို လေးဝတီကဆက်သွယ်ရေခါ ”ကျွန်တော်ရို့ အဝကျွန်းမာ နီကတ်တေ ရခိုင်သားတိက မုန်းတိုင်းနန့် မစိမ်းကတ်ပါယာ ခေတ်အဆက်ဆက် မုန်းတိုင်းတိကို ရင်ဆိုင်ဖူးခပါရေ အေဂုအစိုးရက မြို့နယ်လေးခုမာ ဆိုင်ကလုန်စင်တာ(၆၀)လောက်ဆောက်လို့ဟိပါရေ ကုလားတိ

က ဂွကျစွာ စင်ကလုန်စင်တာကို မလားကတ်ပါ ယေနန့် လွန်ခရေ နာရ့်ဂစ်ဆ်မာ ကုလားလးမျိုးတိ အများကြီးသီဆုံးလားပါရေ အေနိကပင်အဝကျွန်း ကံဆိပ်ကျွန်းမာ လီပြင်းချေတိနန့် ပင်လယ်လှိုင်းအော်သံ ကျွက်ကျွက်ဆူနီပါယာလို့ ” ပြောပြပါသည်။

ဘင်္ဂလာအစိုးရ ရုပ်သံတိမာ တရားဝင်ကျေညာပီးနီစွာတိက မဟာစင်မုန်းတိုင်းရေ မြန်မာနိုင်ငံကို ချန်ပစ်ခပနာ ဘင်္ဂလာဒေခ်ျ့ နိုင်ငံကို နက်ဖန်မိုးထစောစော ဝင်ေ

ရာက်ဖြတ်ကျော်ဖို့လို့ အတိအကျမီဒီယာတိက ထုတ်လွှင့်နီကတ်စွာနန့် ပတ်သက်လို့ (C 24) ရုပ်သံသတင်းထောက်ကို လေးဝတီကဆက်သွယ်ရေခါ သူကအေဂုပိုင်ရှင်းပြပါသည်။” ဇလနန့်မိုးလေဝါသက တိုင်းစွာရေ တနာရီကို(၂၈)မိုင်နှုန်းနန့် ရွိလာရေခါ ကီလိုမီတာရီမိုင်တိကို ပျမ်းမျှအသေးစိပ်တွက်ချက်ကေ နောက်(၁၆)နာရီမာ မုန်းတိုင်းဝင်ဖို့ ပြီးကေဖလောင်းချိတ် ခရိုင်တခုလုံးမာ ဆိုက်ကလုန်စင်တာပေါင်း (၁၀၈၆)ခုဟိနီခါ ပြဿနာမဟိပါ ရာသီဥတုကမိုးထကပူနီပြီးကေ တနားချေမာ မိုးရိပ်အုံးလားပါရေ  အေဂုမိုးရွာနီပါဗျာယ် မြစ်ကမ်းခြေတိနန့် အပြင်မာထွက်လားနီကတ်တေလူတိကို အိမ်ထဲမာနီဖို့ လုံခြုံရီးတိက လားခိုင်းနီပါရေ ကားတိနန့် အလံအနီချိုင်ပနာ အပင်တိတိုက်တာအဆောက်အဦးတိမာ အားလုံးအလံအနီတိ ထောင်ခိုင်းထားပါရေ”လို့ဆိုသည်။

မြန်မာနိုင်ငံကလွတ်တေဆိုကေလေး ရခိုင်ပြည်ကမ်းရိုးတန်း ဒေသတိဖြစ်တေ မောင်တောမြို့ နယ် စစ်တွေမြို့ နယ်တိ လွတ်လီဖို့လားလို့ မောင်တောကို ဆက်သွယ်ရေခါ ဒေသခံတယောက်က” ကျွန်တော်ရို့ မောင်တောမာ အစိုးရနန့် (NGO)အဖွဲ့ဝင်တိကတော့ ကားတိနန့် ဘေးလွတ်ရာကို ပြောင်းပီးနီပါရေ ဂွကျစွာက မုန်းတိုင်းကယ်ဆယ်ရီး အဆောက်အဦးမဟိရေ အတွက် ဘုန်းကြီးကျောင်းတိမာ ပြောင်းပီးနီကတ်ပါရေ သုံးမိုင်လေးမိုင် ဖက်တိကျခါ ဝီးပါရေ ကားတိကလေး မလောက် အစိုးရလေးမပီးနိုင်ရေခါ လိုက်မမီနိုင်ပါလို့” ပြောသည်။

ရခိုင်ပြည်တခုလုံးမာ နီထိုင်ကတ်တေ ဒေသခံတိကို ဆရာတော်ကြီးတပါးက သဘာဝဘေးအန္တရယ်အတွက် ပန်း နံသာ ဆီမီး ကုက္ကါး ကြက်ယှာ ရီ အစဟိရေ ပစ္စည်းတိနန့် ဘုန်းကြီးကျောင်းကို လားပနာ ပူဇော်ပသကေ အန္တရယ်ကလွတ်ဖို့လို့ ပြောရေအတွက် အေဂုပိုင် ယတြာယာယီလုပ်နီရေလို့ မြေပုံမြို့ နယ်ကဒေသခံ တယောက်က ရှင်းပြပါရေ။

ကြိမ်ချောင်း င/ခူရအစဟိရေ နီရာတိမာတော့ မုန်းတိုင်းလာကေ ဇာကိုလားရဖို့ ဇာနီရာမာ ခိုလှုံရဖို့စွာကို အစိုးရက သတိပီးစွာတိ လုံးဝမဟိလို့ ကြိမ်ချောင်းက ဒေသခံတယောက်ကပြောပါသည်။ တိုးတက်လို့ ဆက်သွယ်ရီးအားကောင်းရေ ခေတ်မာ အိမ်နီးချင်းဘင်္ဂလာဒေခ်ျ့ နိုင်ငံနန့် အတူ ဆိုင်ကလုန်စင်တာ ဆောက်လုပ်ပီးစွာမျိုး လုံးဝမဟိသိမ့်ရေ အတွက် ဒေသခံတိက အထူးစိုးရိမ်နီရေလို့ ပြောပြကြောင်း သိရပါသည်။

ပျို့ အောင်(နတ်မြစ်)

In this connection, Thuinumong filed a case against perpetrators on that day.  The case file number is 501, dated 13/04/2013. After filing a case when he went to his land, he saw the miscreants already broke the wall. When he went to protest along with community people, the Bengali settlers attacked on them. At least 14 people of both groups including Thuimong Marma (29) s/o Tujathoi Marma and Nepa Marma (27) s/o Kejsing Marma were injured. The settlers again complaint at the Champatoli army camp under Lama zone, and then on that day at 3:30 pm, a group of army led by Major Kamrul of 30 Bengal came to Nonar bill area, and arrested to  Thuimong Marma and Nepa Marma. The solders took them at the camp, and released after a night to local representatives of that area.

It is known that, Abdul Ohab was originally from plain district Noakhali. He came to Bandarban with his job of WAPDA. He bought land illegally breaking the provisions of Hill District Council Act of 1989. According to the buying land and real property Thuinumong’s father is the land owner, but Abdul Ohab has been demanding illegally that land. A case was filed in connection with this incident.

Seven Jumma villagers tortured by army of Sindukchari camp in Ramgarh

On 26 April 2013 at around 10:00 pm, seven indigenous Tripura villagers were beaten brutally by a group of army led by Major Raqib of  Sindukchari camp at Boishnob Para of Boro Pilak area of Halfchari union under Rangarh upazila in Khagrachari district. They were released on that night with serious injuries of beating. It is learnt that, the settlers grabbed indigenous lands, and planted a mango garden together with some settler families in that area. On 20 April 2013, UPDF activists damaged the mango garden by cutting 218 mango tress of owner Md. Abdur Rob (45). After few days, on 26 April 2013 at around 10 pm, some unknown group of miscreants set a fire in a small hut of Siddiqur Rahaman. The settlers began shouting and screaming when they saw the fire. After few minutes, a group of army personnel from Sindukchari camp rushed at the indigenous

The army soldiers wanted to prove that the villagers were involved in setting fire at settler village. But the army failed to establish their involvement with the fire incident, and released them on the same night after beating. The Army ordered to the victims to keep silence against their such tortures. The torture victims are Kanti Kishor Tripura (30) son of Binoy Kishor Tripura, Keton Kishor Tripura (28) son of Binoy Kishor Tripura, Ratan Das Tripura (35) son of  Dhananjoy Tripura, Ripon Tripura (18) son of Shanti Tripura, Ranjan Tripura (15) son of Kamalanda Tripura, Chitta Das Tripura( 17) son of late Nitananda Das Tripura and Shashi Das Tripura (35).

ဘဝတိပီးဆပ်ပနာ တော်လှန်လာကတ်တေ ရခိုင်သက်ကြီးတော်လှန်ရီးသမားတိ ဘဝနီဝင်ချိန်မာတောင် ဒူးမထောက်လက်မမြောက်ဘဲ ရန်သူစစ်အစိုးရကို တော်လှန်ခကတ်တေအတွက် ယင်းတော်လှန်ရီး သက်ကြီးတိ နီထိုင်ဖို့ အဆောင်တခုကို လွန်ခရေမေလ(၁၀ )ရက်နိန့်က ဘင်္ဂလာဒေခ်ျ့ နိုင်ငံ ဖလောင်းချိတ်  ထိပ်ကျင်းတောင် စေတီနားမာ အုတ်မြစ်ချ အခန်းအနားတခုကို အောင်မြင်စွာကျင်းပ ပြီးစီးခရေလို့ သတင်းရဟိပါသည်။ အေဂုအချိန်မာ ရခိုင်မျိုးချစ်ပြည်ချစ် လူငယ်မျိုးဆက်သစ်တိဖြစ်တေ ဂျပန်အခြီစိုက် (ARG) အဖွဲ့က စတင်ထောက်ပန့် ကူညီခလို့ လွန်ခရေ (၁၆။၎။၂၀၁၂)နှစ်က သက်ကြီးတော်လှန်ရီး သမားတိကို ဂုဏ်ပြုလက်မှတ်အပ်နှင်းပွဲ တခုကိုလည်း ဖလောင်းချိတ်မြို့ မာ ကျင်းပလီကတ်ပါရေ ယင်းကျင်းပရီးတာဝန်ခံတိက ရခိုင်သက်ကြီးတော်လှန်ရီးသမားတိကို စောင့်ရှောက်ကူညီရီး ဖေါင်းဒေးရှင်းတခုနာမေနန့်  ဦးဆောင်ပနာ အလျှားပေ(၄၀)အနံ(၁၆)ပေ ဟိရေ အဆောင်သစ်ကိုအုတ်မြစ်ချရေလို့  စီစဉ်သူအဖွဲ့က အတွင်းရေးမှူး ကိုကျော်မြင့်ကလေးဝတီကို ပြောသည်။”ကျွန်တော်ရို့ က ရခိုင်တော်လှန်ရီးကို ဘဝတိပီးဆပ်ပနာ တိုက်ပွဲဝင်ခရေ ရခိုင်သက်ကြီးတော်လှန်ရီးသမားတိရေ ထိုဘုန်းကြီးကျောင်းမာသီဆုံး အေရွာမာသီဆုံးလားကတ်ပါရေ ယင်းအတွက်ကျွန်တော်ရို့ မျိုးဆက်ရခိုင်လူငယ်တိမာ စောင့်ရှောက်ရဖို့ လူတိုင်းမာတာဝန်ဟိရေလို့ မြင်ရေအတွက် အေချင့်ကို လုပ်ဖြစ်ကတ်စွာပါ လက်ဟိအလှူရှင် တယောက် ဖြစ်တေ ဆွီဒင်နိုင်ငံနီ ဦးဘစောခင်နန့် ဒေါ်နုကြည်ရို့က တာကာငွေတသိန်းတိတိ လှူဒါန်းငွေနန့် မတည်ပနာ အေအုတ်မြစ်ချအခန်းအနားကို ပြုလုပ်တေလို့” ပြောပါသည်။ ယင်းအဆောင် ဆောက်ဖို့အတွက် ဖလောင်းချိတ် ရခိုင်ဘုရင်လက်ထက်က အောင်ချမ်းသာမြို့  တောင်ရွာသားတိ အားလုံးကူညီပနာ မြီနီရာပီးရေအတွက် လုပ်ရလွယ်ကူလားရေလို့လေးသိရပါသည်။ ဆက်လို့ ”ကျွန်တော်ရို့က လက်ဟိ အိန္ဒယနိုင်ငံနန့် ဘင်္ဂလာဒေခ်ျ့ နိုင်ငံက သက်ကြီးတော်လှန်ရီးသမားတိကို အသက်(၆၀)ကျော်ဆိုကေ လက်ခံလားပြီး ကူညီစောင့်ရှောက်လားပါဖို့ တတ်နိုင်ရေ စေတနာရှင်တိပါးက အေနိုင်ငံမာ အလှူခံဖြတ်ပိုင်းတိနန့် အလှူခံပါဖို့ နိုင်ငံတကာနန့် ပြည်တွင်းကိုကျကေ တရားဝင်စာပို့လို့ အလှူခံလားပါဖို့” လို့ ‘ရှင်းပြပါရေ။ တသီးပုဂ္ဂလ အလှူရှင်တိ အနိန်နန့် ဇာသူမဆို တိုက်ရိုက်ဆက်သွယ် လှူဒါန်းဖို့ ယင်းဖေါင်ဒေးရှင်းက ထုတ်ပြန်ထားရေ စာမာဖေါ်ပြထားကြောင်းနန့် လက်ဟိရခိုင်သက်ကြီးတော်လှန်ရီး သမားတိကိုစာရင်းကောက်ယူနီရေလို့လည်းသိဟိရပါသည်။

စောသဇင်
(ဖလောင်းချိတ်)

May(13)။     ။။မိုးလေဝါသနန့် ဇာဗေဒတိုင်းထွာချက်အရ ဘင်္ဂလာပင်လယ်ပြင်မာ လွန်ခရေ(၂)ရက်နိန့်ကပင် လေဖိအားရပ်ဝန်းကြီးတခု ဖြစ်ပေါ်နီရာက အဂုအခါ မဟာစင်လို့ နာမေပီးခံရရေ မုန်တိုင်းတခုရေ မြန်မာနိုင်ငံ ရခိုင်ကမ်းရိုးတန်းနန့် ဘင်္ဂလာဒေခ်ျ့ နိုင်ငံ ပင်လယ်ကမ်းစပ် ဒေသတိကို (၂၄)နာရီအတွင်း ဖြတ်သန်းလားနိုင်ရေလို့ မြန်မာရုပ်သံ ရေဒီယို တိမာ အဆက်မပြတ်ထုတ်လွှင့် ပြသနီရေလို့ ပြည်တွင်းကလာရေ သတင်းတိအရ သိရပါရေ။မန်ဟုတ်ညပြင်းချေနန့် ဝင်ရောက်လာဖို့ ယင်းမဟာစင် မုန်တိုင်းကြောင့် လီတိုက်နှုန်းရေ တနာရီကို (၉၀)ကနီ (၁၀၀)ထိ တိုက်ခတ်နိုင်ရေလို့ ဘင်္ဂလာဒေခ်ျ့ ရုပ်သံတိမာ ဖေါ်ပြထားပါရေ

မုန်းတိုင်းဖြတ်သန်းလားနိုင်ရေ နီရာတိမာ ဘင်္ဂလာအစိုးရက ဘင်္ဂလာဒေခ်ျ့ နိုင်ငံ ကမ်းရိုးတန်းတယှောက်မာ ခိုင်မာရေ ဆိုင်ကလုန်ကယ်ဆယ်ရီး နှစ်ထပ်ကနီပနာ လေးထပ်ထိ အားလုံးမာဆောက်လုပ်ပြီးစီးထားကြောင်း မုန်းတိုင်းဝင်ရောက်လာပါက ယင်းအဆောက်အဦးသို့ လားရောက်ခိုလှုံဖို့လေး တိုက်တွန်းထားရေလို့ ဘင်္ဂလာဒေခ်ျ့ နိုင်ငံက လူအခွင့်အရီးအဖွဲ့ လှုပ်ယှားနီရေ မသောင်းချစ်စိန်က လေးဝတီကို အေဂုပိုင်ပြောသည်။” အကျွန်ရို့ နီထိုင်စွာက တောင်တန်းဒေသဆိုခါ ပြဿနာမဟိပါ ပင်လယ်ကန်းရိုးတန်းမှာ နီထိုင်ကတ်တေ တက္ကနာ မြစ်နားရွာ ညလား ဖလောင်းချိတ် မဟားဇော သော်ဒီဂျာ ယင်းရွာတိမာလေး ဆိုင်ကလုန်ဆိုင်တာရ် တိကို ဘင်္ဂလာအစိုးရက နိုင်ငံခြားအကူအညီတိနန့် အခိုင်အမာဆောက်ထားလို့ ယင်းလောက် မစိုးရိမ်ရပါ ပင်လယ်ပြင်ထွက် ငါးဖမ်းရီလုပ်သားတိကိုလေး မထွက်ဖို့ တားဆီးထားပါရေ လွန်ခရေ နှစ်တိက ပျက်စီးလားစွာနန့် ပြောရဖို့ဆိုကေ ပင်လယ်နားမာနီရေ ကုလားတိက အရေးမစိုက်ပါ ဆိုင်ကလုန်ဆိုင်တာတိကို မလားကတ်ပါ ယေနန့် အပျက်အစီအသီအပျောက် များလားစွာပါ”လို့ ယှင်းပြပါရေ။

ရခိုင်ပြည် မောင်တောမြို့ ခံတယောက်ကိုဆက်သွယ်ရေခါ သူကလေး ”အေဖက်မာ ဖြစ်ကေတော့ အစိုးရကယ်ဆယ်ရီး အဆောက်အဦးမဟိပါယေ ဖြစ်တေပိုင် နီးစပ်တေဘုန်းကြီးကျောင်းတိနန့် အိမ်ကြီးတိကို တက်ပြီူးကတ်စွာပါယေ အယင်တခါ ဂီရိခါလေး တနာရီကိုမိုင်(၃၀) စိုးရိမ်စရာမဟိဆိုပနာ အားလုံးသီဆုံးပျက်စီကတ်ပါရေ  မှတ်မှတ်ရရ အကျွန်ရို့ အချေခါ မေလ(၁၀) ရခိုင်ပြည်မာ ငမန်းရဲကျွန်းမာ စလို့ တိုက်စွာပါယေ အရာဂီရီ အေနှစ်ခါ အသီအပျောက်အများဆုံးပါ အစိုးရက အေဂုထိ တခုလေးလု

ပ်စွာကားမဟိပါ ပိုဆိုးစွာက ဘင်္ဂလာဒေခ်ျ့ ဖက်က ကုလားရန်ကြောက်လို့ ထွက်ပြီးလာရေ လူတိနန့် မီး

တိုက်ဖျက်ဆီး ခံရရေ ရခိုင်တိ တဲ့အဆင့်နန့် နီကတ်တေခါ ဇာကိုပြီးရဖို့မှန်း မစိုင်းစားတတ်ပါဗျာယ်” လို့ ပြောပါရေ။ အိမ်နီးချင်းကပ်နီရေ ဘင်္ဂလာနန့် မြန်မာနိုင်ငံရို့ မုန်းတိုင်းကာကွယ်ရီး စနစ်တိ အလွန်ညံ့ ဖျင်းနီရေလို့လေး မောင်တောဒေသခံတိက ဝေဖန်နီကတ်ပါကြောင်း သိရပါသည်။

ပျို့ အောင်(နတ်မြစ်)

အနန္တဂိုဏ်းဝင်အမင်
အချစ်ကရုဏာအသျှင်
ဇီသျှင်အခါတစ်ရာတင်
ကျေးဇူးဝဠာကြွီအောင်ဆပ်လို့ပင်

ကျီလီဖို့မထင်ပါ…..အမင်။
ထာဝရအလင်းရောင်သခင်
အပြုံးတချက်ချေမမြင်
လပြည့်ညဥ့်ကိုပင်
လမိုက်နီရေအထင်နန့်

သုခအပြင်တစ်နီရာက

သောကမွိ့ရာထက်မာ

အီးမြရေမထင်လေ့

မောဟစိတ်မွန်းကျပ်ပနာ

လွမ်းလို့ကမ၀ပါ…..အမင်။
ဇာနီရာရောက်ပနာ
ဇာလောက်ပင်ပန်းလို့
ဇာလီပင်တိုက်တိုက်
တစိတပွေချေပင်

မသီချာရေဆန္ဒချေတိ
မျိုးရွင့်နီရေစိတ်ကူးအာကာမာ
အမင့်မျက်နှာချေကိုရာမြင်
အားဆီးအမှန်ပါ…..

အမင်။ဝီးခရဗျာလ်အမင်
တစ်သက်လုံးမခွဲခွါချင်
ထားပစ်ခရကေလေ့
အသိစိတ်ထဲမာအမင်
အမင့်ရင်ခွင်အပြင်

အားတင်းခရီးဆက်ယင်းပင်
မအားရေခြီလှမ်းချေတိ
တလှမ်းချင်းစီလျှောက်လှမ်းပနာ
အမင့်မေတ္တာရိပ်အောက်ကို
မရောက်ရောက်အောင်
တစ်ခေါက်လောက်တော့ခါ

အရောက်လာလတ်ပါမေ…..အမင်။။။။။

ခိုင်ထွီး

အေနိကျရောက်တေ မိခင်များနိ အမှတ်တရ ဂုဏ်ပြု ကဗျာကို DVD ရခိုင်အစီအစိုင်ကနီ ကြားရလို့ ရွက်ပုန်းသီး ကဗျာဆရာ ကိုခိုင်ထွီးခွင့်ပြုချက်နန့်
(လေးဝတီဝိုင်းတော်သားအားလုံး) အမင်ငတ်နီလူတိ အမင်ပျောက်နီလူတိ အမင်နန့် ဝီးနီရေလူတိ အမင်အားလုံး၏ အီးရိပ်ရင်ခွင်မာ ခိုလှုံနိုင်ပါစီလို့ ဆန္ဒပြုယင်း မှတ်တမ်းတင်အပ်ပါသည်။

တော်လှန်ရီးဆိုစွာဇာခါပင် စခပါလဲ?????

တော်လှန်ရီးကို တော်လှန်ရေလူတန်းစားဆရာကြီးတိက ကမ္ဘာမာပထမဆုံး ကျွန်ပိုင်ရှင်စနစ်ကို တော်လှန်ရာကနီ စခရေလို့ မှတ်သားဖူးပါရေ။ယင်းနောက် ကမ္ဘာလူသားတိရေ လူနီမှူစနစ်တိ တိုးတက်ဖြစ်ပေါ်လာဂတ်စွာနန့် အညီ တော်လှန်ရီးအမျိုးမျိုးတိ ပေါ်ပေါက်လာရရေလို့ဆိုပါရေ။

ရခိုင်ပြည်တော်လှန်ရီးကို ဖေါ်ပြရဖို့ဆိုပါကေ ၁၁၄၆-ခုနှစ်မာ မကျေညာရေ ဗမာဘုရင် ဘိုးတော်မောင်ဝိုင်း ဝင်လို့သိမ်းရေ ဒီဇင်ဘာ(၃၁)ရက်နိကပင် မိုးလင်းစွာနန့် အယာမခံရေ ရခိုင်စစ်သည်ရဲမက်အပေါင်းတိက ရရာလက်နက်တိနန့် တော်လှန်ခရေ ဇန္နဝါရီ(၁)ရက်နိန့်ကို တော်လှန်ရေနိန့်လို့ ဆိုသင့်ပါရေ ယင်းကေလေး စနစ်တကျ တော်လှန်ခစွာကတော့ခါ ဗိုလ်ချင်းပျံ(ပြန်)ရာဖြစ်ပါရေ။

ယင်းကတဆင့် တော်လှန်ရီးမျိုးဆက်သစ်တိက ဘဝတိပီးဆပ်ပနာ ခေတ်အဆက်ဆက် တော်လှန်လာဂတ်ကေလေး မတူညီရေ အမြင်တိနန့် ခေတ်ရီစီကြောင်းပြောင်းလဲရေ ဒါဏ်တိမာအလူးအလဲခံ ရင်ကော့ပနာ မားမားမတ်မတ် ရပ်တည်လာကတ်တေဆိုကေ မှားနိုင်ဖို့မထင်ပါ ယေကေလေး မီးများမီးနိုင် ရီများရီနိုင်ဆိုရေ လောကဖြစ်စိုင် ဓမ္မာတိကို သံမဏိစိတ်ဓါတ် မဟာလူသား တော်လှန်ရီးသမားတိက အောင်မြင်မှူဆိုရေ သရဖူပန်းတိုင်ကို ဂနိန့်ထိ မလှမ်းနိုင်ခပါ။

ဗမာလက်အောက်ကပင် အင်္ဂလိပ်လက်အောက် ဂျပန်လက်အောက် အရာအင်္ဂလိပ်လက်အောက် ခေတ်အဆက်ဆက် သွီးပျက်ဖို့ကောင်းရေ ရခိုင်လူမျိုးတိရေ ကျွန် ဆိုရေ အသိတိနန့် ရှင်သန်ပေါက်ဖွါး စစ်တလင်းမြီပြင်အတိ ခံလာခကတ်ရပါရေ ယင်းနောက် အနောက်ဖက် မောင်တော ဘူးသီးတောင်တိမာ အရာ ကုလားပြဿနာ ရန်စကျူးကျော် မီးလောင်ဖျက်ဆီးခံခရပါရေ မြန်မာတနိုင်ငံလုံးမာ အင်္ဂလိပ်ကို စတော်လှန်ခရေ အာဇာဏီ ကျေးဇူးရှင်ပုဂ္ဂိုလ်ကား စစ်တွေမြို့ ဖွါး ဆရာတော်ဦးဥတ္တမပင် ဖြစ်ပါရေ ယေကေလေး ဆရာတော်နန့် ရခိုင်တော်လှန်ရီးသမားတိနန့် ခွဲရေးတွဲရေး ပြဿနာတိကြောင့် ဆရာတော်လေး စိတ်ပျက်ပနာ ဗမာပြည်ဖက်ကို ဆက်လက်တရားဟော ထွက်ခွါလားခပါရေ။

ယင်းနောက် ဂျပန်ကိုတော်လှန်ရေခါ အာဇာဏီဆရာတော် ဦးစိန္တာဂေါင်းဆောင်ခရေ တော်လှန်ရီးတရပ် ပေါ်လာပနာ ဘုံဘောက်သာကျော်ရို့တိပါ ပါဝင်ပြီးကေ မြေပုံညီလာခံလို့ သမိုင်းတွင်ရေ လူထုညီလာခံကြီးတရပ် ပေါ်ပေါက်လာခပါရေ ဗိုလ်ချုပ်အောင်ဆန်းနဲ့ အတူအင်္ဂလိပ်ကို တိုက်ဖို့ ခေါ်ယူခရေ ဂျပန်တိရေ ဂတိဖေါက်ပနာ ဆက်လို့သိမ်းထားရေအတွက် အရာတော်လှန်ဖို့ကျခကတ်ပါရေ မြန်မာနိုင်ငံက လွတ်လပ်ရီး လုံးဝရလားကေလေး ရခိုင်ပြည်သီးခြား လွတ်လပ်ရီးမရခစွာရေ အဓိကရခိုင်ဂေါင်းဆောင်တိ ညံ့ဖျင်းမှူနန့် ဗမာနောက်လိုက် ဖြစ်နီမှူတိကြောင်းလို့ သုံးသပ်မိပါရေ လွတ်လပ်ရီးရကေလေး ဆရာတော်ရေ လက်နက်မစွန့်ဘဲ တော်လှန်တိုက်ပွဲဝင်နီရာကနီ ဖဆပလခေတ် ဦးနုအစိုးရ၏ လှည့်ကွက်အောက်မာ လက်နက်နန့် ဒီမိုကရေစီ ဖရေ ငြိမ်းချမ်းရီးဆိုရေ မျဉ်းကြောင်းအောက်မာ မဟာအမှားကြီးတခုကို ရင်နင့်စွာပြုလုပ်ခလို့ တော်လှန်ရီးဆိုစွာကို တပည့်တိဖြစ်တေ ဦးမောင်စိန်ညွန့်က ဦးဆောင်ပနာ ရမလပ(ANLP)ပါတီနာမေနန့် ဆက်လို့တော်လှန်ခပါရေ။

အေချင့်မာ မတူညီရေ သီအိုရီတိနန့် ဦးနှောက်ဖေါက်စားခံရရေ တော်လှန်ရီးနှစ်ရပ်ပေါ်လာပါရေ ကွန်မြူနစ်ဝါဒကို အခြီခံရေ ဗမာတနိုင်ငံလုံးကို ကွန်မြူနစ်နိုင်ငံလုပ်ဖို့ ဗကပ ဆိုရေ သခင်သန်းထွန်းဦးဆောင်ရေ ဗမာတိ ဦးဆောင်မှူအောက်မာ ရခိုင်သားတိ လုံးဝနစ်မြုတ်လားကတ်တေ အချိန်တိ ဟိခလီပါရေ ယင်းကနီ အမျိုးသားရီး စိတ်ဓါတ်တိ ယှင်သန်လာစွာက အမျိုးသားတော်လှန်ရီးဖက်ကို လှည့်လာဖို့ကျစွရေ စစ်တွေဆန်ပြဿနာမာ ရခိုင်သားတိအသတ်ခံရစွာကနီ တော်လှန်ရီးတရပ် အရှိန်ပပြင်းနန့် ထွက်ပေါ်လာစွာဖြစ်ပါရေ ယင်းမာထင်ယှားခရေ အာဇာဏီထဲမာ ဥက္ကဌကြီး ခိုင်မိုးလင်းဦးဆောင်ရေ (ALP)ပါတီဖြစ်ပါရေ ယင်းပါတီရေ ကချင်ပြည်ကနီ အဖရခိုင်ပြည်ထိ မိုင်ထောင်ချီခရီးကို တနှစ်ကျော် ခြီကျင်လာပနာ ရခိုင်ပြည်တွင်းမာ တော်လှန်ရီးတရပ်ဆင်နွဲဖို့ ကြိုးစားခကေလေး ရန်သူဗမာနေဝင်းစစ်တပ်က တပ်ရင်းပေါင်းများစွာနန့် တိုက်ခိုက်မှူ အိန္ဒိယအစိုးရ အပြောင်းအလဲတိကြားမာ “ရန်သူပါးမာ အသီမခံ လက်နက်မချ ကျည်ဆံနှစ်တောင့် ငါ့အတွက်ထားခ”ဆိုပနာ ကိုယ့်စွာကို ခရီးစ မထွက်ခင်ကပင် မီးခွန်းပြောခရေအတိုင်း သူရဲကောင်း မဟာအာဇာဏီ ပြောင်မြောက်တေ သတ္တိနန့် သူရဲကောင်းပီသစွာ ကိုယ့်ကိုကိုယ် အဆုံးစီရင်ခပါရေ။

တော်လှန်ရေပါတီ အသီးသီးတိရေ ဗကပ ဗမာနောက်လိုက်အောက်က ခွဲထွက်လို့ လုံးဝလွတ်လပ်ရီးလို့ ကြုံးဝါးပနာ တော်လှန်ခရေ ပါတီတိကတော့ခါ (AIO) (ALP) (ANLP) (ACP) (TNP မြို ခမီးပါတီ)ယင်းပါတီတိ အားလုံးပေါင်းလို့ (NUFA) (AA) ဗိုလ်ရာဇာ (DAB) နန့် အေဂုအသစ်ပေါ်ပေါက်လာရေ (AA) ကချင်အစဟိရေ တော်လှန်ရီးအဖွဲ့တိဖြစ်ပါရေ အေချင့်မာ အကျွန်သုံးသပ်ထားခရေ ရခိုင်တော်လှန်ရီး လမ်းကြောင်း ပြီးပြည့်စုံလီဖို့လို့ကား အကျွန်မဆိုဝန့်ပါ သို့သော်အေပိုင်ဖြတ်သန်းခရေခါ အောင်မြင်ခရေ တော်လှန်ရီးက ဗိုလ်ချင်းပျံ(ပြန်)တယောက်တည်းရာ မြောက်ဦးရွှီမြို့ တော်ကြီးကို အချိန်အတိုဆုံးသိမ်းဆီးနိုင်ခပါရေ။ တော်လှန်ရီး ဖြစ်စိုင်တယှောက်မာ အင်အားဟိခပြီးကေ ခေတ်ပညာတတ် လူငယ်ချေတိ အများကြီးပါဝင်ခရေ (၁၉၈၈)ဒီမိုကရေစီလို့ တခေတ်ဟိခပါလီရေ ယင်းအချိန်မာ တော်လှန်ရီးနီမြီကို ရောက်လာရေ လူအင်အားရေ အများဆုံးပိုင်ဖြစ်ခပါရေ ယင်းကေလေး တော်လှန်ရီးဖက်ကို ဝင်ရောက်တေလူ အားနည်းခပြီးကေ ဒီမိုကရေစီနန့် လူအခွင့်အရီးဆိုရေ မှိုင်းလုံးရေ ရခိုင်အမျိုးသား တော်လှန်ရီးစရိုက် လက္ခဏာတိကို အဓိကဖျက်ဆီးပစ်တေ အကြောင်းအရာတိဆိုကေ မှားနိုင်ဖို့မထင်ပါ။

ရခိုင်လူမျိုးတိရေ ကိုယ့်မင်းကိုယ့်ချင်းနန့် ကမ္ဘာအလယ်မာ ထယ်ဝါခစွာကို ဂနိန့်ဒီမိုကရေစီ လမ်းကြောင်းနန့် ထွက်လာရေ လူအများတိရေ ဂရုမစိုက်ခဘဲ ယင်းပိုင်နောက်ခိုင်းလို့ ယင်းရီစီးကြောင်း အတိုင်းထွက်ခွါ လားခကတ်ပါရေ ယေနန့်တော်လှန်ရီးအားနည်းမှူတိ ဖြစ်ပနာ ရန်သူဗမာစစ်အစိုးရ လုံးဝစစ်မတိုက်လိုက်ရဘဲ အောင်ပွဲရလားလီပါရေ အေချင့်မာ အဓိကတော်လှန်ရီး အယူအဆ ယုံကြည်ချက်တိ ကွဲလာခစွာတိကို လက်လှမ်းမီသလောက် အကျွန်တင်ပြရပါကေ

(၁)လုံးဝလွတ်လပ်တေ သီးခြား ရခိုင်ပြည်သူ့သမ္မတနိုင်ငံ ပြန်လို့ထူထောင်ရီး

(၂)မြန်မာနိုင်ငံ တိုင်းရင်းသားပေါင်းစုံ ပါဝင်ရေ ဖက်ဒရယ်နိုင်ငံ တည်ထောင်ရီး(ပင်လုံစာချုပ်အရ ခွဲထွက်လိုကခွဲထွက်ပိုင်ခွင့်)

(၃)ပြည်နယ်ပေါင်းစု စစ်မှန်ရေ ဒီမိုကရေစီ မြန်မာနိုင်ငံတော် တည်ထောင်ရီး ဆိုရေဝိဝါဒကွဲရေ လမ်းကြောင်းတိ ဖြစ်ပေါ်ခပါရေ

အေချင့်မာ လက်ဟိနိုးကြားတက်ကြွနီကတ်တေ အနိုင်နိုင်ငံရောက် ရခိုင်အမျိုးသား အမျိုးသမီး လူငယ်မျိုးဆက်သစ်တိ အဓိကဇာအခန်း ကဏ္ဍကပါဝင်ဖို့လည်း ဆိုရေမီးခွန်းရေ ရခိုင်နိုင်ငံတော် အနာဂတ် အတွက် အရေးကြီးရေ သမိုင်းဝင်စကားတခွန်းဖြစ်ပါရေ ဖက်ဒရယ်နန့် ဒီမိုကရေစီ ဆိုစွာ ရခိုင်ပြည်သူ့သမ္မတနိုင်ငံ လွတ်လပ်ရီးနန့် လုံးဝဆန့်ကျင်ပနာ ပက္ခအသွင်ဆောင်နီပါရေ။

တော်လှန်ရီးဆိုစွာလည်း သာမန်လူတယောက် တခုပိုင်လေး လုပ်နိုင်ရေအရာ မဟုတ်ပါ မိဖဆွေမျိုး ရပ်ရွာသံယောဇဉ်အားလုံးကို ဖြတ်ပနာ ကိုယ့်အသက်ကို အချိန်မရွီးအဆုံးခံရဖို့ လမ်းကြောင်းဆိုရေခါ ဝါသနာလည်းပါပါယင့် အမှန်လေးလုပ်သင့်ရေ လူမျိုးတခုလုံး လွတ်မြေက်ဖို့ ကိစ္စလည်းမှန်ပါယင့် မစွန့်ဝန့်ဆိုရေ စိတ်ဓါတ်ရေ အေနီရာမာ အဓိကကျပါရေ တချို့ က ဂေါင်းဆောင်ကောင်းမဟိလို့ တတိုင်ကခေတ်မီလက်နက် မဟိလို့ အရာရခိုင်သားနန့် လွတ်လပ်ရီးနန့်ကား မတန်ဝေး ဆိုရေ စကားတိ ရန်သူကနည်းဗျူဟာသုံး ရိုက်သွင်းပီးရေ စကားတိလေးဟိပါရေ တိုင်းရင်းသားအချင်းချင်း အေးအတူပူအမျှ အစဟိရေစကားလုံးတိ အောက်မာ ဦးနှောက်စားခံရရေ အနိန်အထားတိကြောင့် တော်လှန်ရီးလမ်းကြောင်းထက်မာ ယောင်္ကျားပီသစွာ မားမားမတ်မတ် မရပ်တည်ဝန့်ရေခါ ဘေးထွက်စကားတိနန့် သာယာမှူတိနောက်ကို လိုက်လားကတ်တေအတွက် ရခိုင်တော်လှန်ရီးလမ်းရေ တခါတခါပျောက်လုလု အနိန်အထားဖြစ်လီပါရေ။

တော်လှန်ရီးတရပ်မာ အဓိကရန်သူရေ ဗျူဟာပရိယယ် တကွက်မှားစွာနန့် တသက်လုပ်လာရေ သမိုင်းရေ အမဲစက်စွန်းလားခါ ဖွတ်မစင်ရေအဖြစ်မျိုးတိကြုံရပါရေ ရန်သူဆိုရေ ဇာနိုင်ငံမာမဆို အာဏာယှင် အစိုးရရေ တော်လှန်ရေ လူစုတိကို လက်နက်သုံးခုနန့် အဓိကထားတိုက်ကတ်ပါရေ

(၁)စစ်အင်အားအလုံးအရင်းနန့် အမြစ်ပြတ်ချေမှူန်းရီး(တမီးလ်လက်နက်ကိုင်တိ အမြစ်ပြတ်လားရေပုံစံ)

(၂)တော်လှန်ရီးသမားပါတီ တပ်ထဲက အဓိကဗိုလ်အဆင့် ဟိရေလူတိကို ဖဲ့ထုတ်စည်းရုံးခြင်း ငွေ တိုက်တာ ရုပ်ဝတ္ထုတိကို ပြပနာ တယောက်ချင်းစီကို လက်နက်ချခိုင်းခြင်း

(၃)ပါတီတခု တပ်တခုလုံးကို အတုအယောင် ငြိမ်းချမ်းရီးကို ဗမ်းပြပနာ ငြိမ်းချမ်းရီးဆွေးနွေးလို့ တဆင့်ချင်းစီ လက်နက်နန့် ဒီမိုကရေစီ လှဲ့လယ်ခြင်း ဆိုရေ ဗျူဟာသုံးရပ်ကို တိတိကျကျ အကောင်ထည်ဖေါ်ကတ်ပါရေလို့ နိုင်ငံရီးပါရဂူတိက အဆိုအမိန့်တိဟိခပါရေ ယေကေ အေနီရာမာ တော်လှန်ရီးတရပ် အောင်မြင်ဖို့ ဇာတိလိုအပ်ပါလေး တော်လှန်ရီးတရပ်ကျဆုံးဖို့ ဇာတိလုပ်တတ်တေ ဆိုရေ သဖေါတရားတိ အင်တန်ချေ ပါလားပါဗျာယ် နိဂုံးချုပ် အကျွန်တင်ပြရပါကေ တော်လှန်ရီးတရပ်၏ သီအိုရီရေ ဇာခါမလက်နက်ချ အယှုံး(အရှုံး)ပီးခြင်းမဟုတ်ပါ လုံးဝလွတ်ရပ်ရီးဆိုရေ အသီးအပွင့်တိကို မရသရွိတော်လှန်တိုက်ပွဲဝင်ကတ်ရပါဖို့ မဟာဗျူဟာကတော်လှန်ရီး နည်းဗျူဟာ နည်းပရိယယ်အရ အေပိုင်လုပ်တေ ဆင်ခြီပြရေဆိုစွာရေ အတိတ်ကအမှားတိကို ဆက်လို့ကျွန်ဖြစ်အောင် ဖန်တီးစွာနန့် တတူရာပါ တရက်နောက်ကျနီတိုင်း ကျွန်သက် တရက်စီတိုးလာရေလို့ မှတ်လိုက်စီချင်ကြောင်း တင်ပြလိုက်ရပါရေ။။။။။။။။။။

အဖိုးသျှင်(လေးဝတီ)

ခိုင်ဥက္ကာပျံ (ဒါကာ)

လေးဝတီ။အမေရိက။ 28၊4၊2013
အမေရိကန်ပြည်ထောင်စု အာရီဇိုးနားပြည်နယ် ဖီလ်နစ်မြို့ မာနီထိုင်ရေ ရခိုင်အမျိုးသားတယောက်( ၂၇။၎။၂၀၁၃)ရက်နိက

ညဉ့် တစ်နာရီအချိန် ကားတိုက်မှူဖြစ်ရာက ပွဲချင်းပြီးသီဆုံးလားကြောင်းနန့် ကချင်လူမျိုးတစ်ယောက်ဒါဏ်ရာ ပြင်းထန်စွာ ရဟိလားရေလို့ သိရပါသည်။ သီဆုံးသူမာ အဖ ဦးအောင်ကျော်ထွန်း အမိ ဒေါ်ဒါလှခိုင်ရို့ ၏သား အောင်စိုး(ခေါ်) ကျော်ကြီး

(၃၆)နှစ် သီဆုံးသူဇာတိမာ အမှတ်(c-47) ရွာကြီးလမ်း ဘောက်သီးစုရပ်ကွက် စစ်တွေမြို့ ဖြစ်တေလို့ပြောသည်။ သီဆုံးလူရေ လွန်ခရေနှစ်က မလေးရှားနိုင်ငံကနိန် အမေရိကသို့  ဒုက္ခသည်များဆိုင်ရာ မဟာမင်းကြီး အစီအစဉ်နန့် နီထိုင်ဖို့ ရောက်ဟိလာရေလို့လေး သိရပါသည်။

အာရီဇိုးနာပြည်နယ် ရခိုင်ကွန်မြူနတီအဖွဲ့ ဥက္ကဋ္ဌ ဦးခိုင်ကျော်ခိုင်ကို လေးဝတီကဆက်သွယ်ရာ “အောင်စိုးနန့် ကချင်လေး( jata) ၊ဖြိုးမောင်ရို့ ရေ ညဉ့်တစ်နာရီလောက်မာ အကြောင်းကိစ္စတစ်ခုနန့် အပြင်ထွက်ရာက ကားတိုက်မှူဖြစ်လို့ ဆီးရုံကဆရာဝန်က သီဆုံးလားဗျာလ်လို့ အတည်ပြုပြောကြားပါရေ ၊ဇာပိုင်ကားတိုက်မှူ ဖြစ်တေဆိုစွာကိုတော့ ပြောဖို့ခက်ပါရေ တာဝန်ဟိ ရဲတိနန့်တွိခါမ အတိအကျသိရပါဖို့ “လို့ပြောသည်။ ဆက်လို့ ”ကားနန့်ပါလားရေ လူကသုံးယောက်ပါ ကိုအောင်စိုး(ခေါ်) ကျော်ကြီး ၊ကားဒရိုင်ဘာဖြစ်တေလူ ကိုဖြိုးမောင်နန့် ကချင်လေး (jata) ရို့ လိုက်ပါလာရေလို့ ကြားပါရေ ဒရိုင်ဘာဖြစ်သူ ကိုဖြိုးမောင်က အေဂုရဲစခန်း အချုပ်ထဲမာပါ ။ ကချင်လေး (jata)က ဆီးရုံရောက်နီပါရေ ယင်းကြောင့် ဖြစ်စဉ်ရေ အရှိန်လွန်လို့ တခုခုနန့်အက်မိလား ဘရိတ်ပေါက်လို့ ဖြစ်စွာလားဆိုစွာစုံစမ်းနီပါရေ”လို့ ယှင်းပြပါသည်။ သီဆုံးလူ ကိုအောင်စိုး (ခေါ်)ကျော်ကြီး အား (MARICOPACOUNTY) ဆီးရုံမှာ ရုပ်အလောင်းကို ဆီးစစ်ချက်တိယူနီကြောင်း အမေရိကမာ နီထိုင်ရေ ရခိုင်သားတိအားလုံး ပူးပေါင်းပြီး နာရေးကိစ္စဆောင်ရွက်ဖို့ အတွက် အစိုးရကခွင့်ပြုစွာနန့် သင်္ဂြိုလ်ဖို့ကိစ္စဆောင်ရွက်ဖို့ ရခိုင်ကွန်မြူနီတီအဖွဲ့ ဝင်တိနန့် မိတ်ဆွေတိ အဆင်သင့်စောင့်နီရေလို့လေး ပြောပြပါသည်။ သူကဆက်လို့ အမေရိကရောက် ရခိုင်လူမျိုးတိ ဆွေမျိုးတော်စပ်သူတိကို လေးဝတီသတင်းဌါနက တဆင့် အသိပီးအကြောင်းကြားပီးဖို့လေး မေတ္တာရပ်ခံပါကြောင်း ဦးခိုင်ကျော်ခိုင်က ပြောကြားပါသည်။ ကွယ်လွန်လားရေ အောင်စိုး (ခေါ်)ကျော်ကြီးမာ အိမ်ရှင်မဖြစ်တေ မဌေးဌေး၊သမီးဝင်းသန္တာအောင်နန့် သားဇော်ဝင်းနိုင်ရို့  ကျန်ဟိခကြောင်း သိရပါသည်။ ကိုအောင်စိုး(ခေါ်) ကျော်ကြီး နာရေးကိစ္စ နန့် ပတ်သတ်ပြီး သိလိုရေ အချက်တိကို ကိုကျော်ခိုင်နန့် ကိုညီကြီးရို့ ပါးသို့ တိုက်ရိုက်ဆက်သွယ်မီးမြန်းစုံနိုင်ပါကြောင်း အသိပီးအပ်ပါသည်။

ဦးခိုင်ကျော်ခိုင် ဖုန်း(+16023496170)

ကိုညီကြီး ဖုန်း(+16024876462 )