သီဒါဏ်ကျတရားခံတိကို စစ်တွေသို့ပို့ဆောင်

ရခိုင်ပြည် ကျောက်ဖြူခရိုင် ကျောက်နီမော်တိုက်နယ် သပြေချောင်ရွာသူ သီတာထွေးကို လူမဆန်စွာ လုယက်မုဒိန်းကျင့် လူသတ်တေ တရားခံတိကို ဒေနိန့်မွန်းတည်း (၂နာရီ ၂၀မိနစ်) ကျောက်ဖြူမြို့ လီဆိပ်က စစ်တွေထောင်ကို ပို့လိုက်ကြောင်း ကျောက်ဖြူမြို့ ခံတယောက်က လေးဝတီကိုပြောပြပါရေ။

ကျောက်ဖြူထောင်မှာ ကြိုးတိုက်မဟိရေအတွက် စစ်တွေကို ပို့လိုက်ကြောင်း သိရပါရေ။ သီဒါဏ်ကျခံနိန်ရရေ ယင်းတရားခံတိအနေနန့် (၇)ရက်အတွင်း အယူခံဝင်ပိုင်ခွင့်ရှိရေလို့ ရှေ့နေတစ်ယောက်က ပြောပြပါရေ။

သီဆုံးလားရေ မသီတာထွေး အမှုနန့်ပတ်သက်ပြီးကေ မိန်းမြန်းဖို့ လေးဝတီက ဆက်သွယ်ရေခါ ဖုန်းလိုင်းပြတ်တောက်မှုတိကြောင်း လုံးဝဆက်သွယ်လို့မရရေ အတွက် ကျောက်နီမော်ဈီးကို တိုက်ရိုက် ဆက်သွယ်ရေခါ ဒေပိုင်ပြောပြပါသည်။

‘အဓိကဈီးပြဿနာပါ ကျောက်နီမော်ဈီးကို ဗိုလ်ကြီး ကျော်ခင်က အယင်ဈီးဟောင်းမှာ ရောင်းခိုင်းပါရေ။ ယင်းဈီးဟောင်းရေ ကုလားရွာနန့် နီးစပ်နိန်လို့ မလိုလားရေ ပြဿနာတိ ဆက်တိုက်ဖြိုက်ပေါ်လာနိုင်လို့ မရောင်းဂတ်ပါ။ ယေကေလည်း လာလို့ရောင်းရေ ရခိုင်သားတိကို သေနတ်နန့်ချိန်ပြီးကေ ကုလားရွာထဲမှာ ရောင်းခိုင်းပါရေ မရောင်းကေ သေနပ်နန့် ပစ်ဖို့ဆိုပြီး ဈီးထဲမှာ ဗြောင်ခြိမ်းခြောက်နိန်ပါရေ”လို့ပြောပါရေ။

ဆက်လို့” သီတာထွေးအမှုကို ကူညီပီးနီရေ စံပြရွာက (မောင်လှသွယ်).ငရံ့ချောင်းက(ဖြူလုံး) ဆိုရေ (၂ )ယောက်ကို
ကျောက်နီမော်ရဲစခန်းမှာ ဖမ်းထားလို့ အဂုထိမလွတ်သိမ့်ပါ။ သူရို့ (၂)ယောက်က ငါရို့ မှာ ဇာအပြစ်ဟိလို့ဖမ်းလည်းလို့မိန်းရေခါ
စခန်းမှူးက ငါဖမ်းစော်မဟုတ် ဗိုလ်မှုးကျော်ခင်က ဖမ်းထားစော်လို့ ပြောပါရေ။ ဗိုလ်မှူးကျော်ခင် ကျောက်နီမော်စံပြဘုန်းကြီး
ကျောင်းမှာတည်းနိန်ခခါလည်း ကျောင်းခြံထဲ ဖိနပ်မချွတ်ပဲ လားနီလို့ ဗုဒ္ဓဘာသာစစ်လားလို့ သံသယဝင်နိန်ကြောင်း’ ကျေးရွာသားတစ်ယောက်က ပြောပြပါရေ။