ဘဂ်လားဒေ့ရှ် လက်ဟိ အခြေအနေနန့် မောင်တောကောလဟာလကြောင့် ဒေသခံတိစိုးရိမ်နိန်ရ

ရခိုင်ပြည် မောင်တောမြို့ က (၈-၆-၂၀၁၂)နိန့်ကဘင် သမိုင်းလိမ်(ရိုဟင်ဂျာ) နာမေခံ ဘဂ်လီအကြမ်းဖက်သမားတိ လုပ်ရပ်နန့် သွီးပျက်မတတ် ခံစားလိုက်ရရေ ရခိုင်ပြည်သူတိ အိုးပျောက်အိမ်ပျောက် အသက်ပျောက်လားရေ မိသားစုတိနန့် သီဆုံးလားရေ စာရင်းမှတ်တမ်းတိကို ဒေဂုထိအတည်ပြုဖို့ ခက်နိန်ကြောင်းနန့် (၂၅)ရက်နိန့်ခါ ကုလားဆိုး သောင်းကျန်သူတိ မြို့ ကိုဝင်စီးဖို့ ဒေသခံတိကြားမှာ ကောလဟာလ သတင်းတိပြန့်နိန်ရေလို့ မောင်တောဒေသခံတိကပြောသည်။

”ဒေနိန့်ထိ လူခြုံရီးတိနန့် ပူးပေါင်းလို့ အဓိကရုဏ်းအတွင်း အသီအပျောက်စာရင်း ကောက်ခံနိန်စွာ မောင်တောမြို့ ပြင်က ရခိုင်ရွာတိမှာ ဇာလောက်သီရေဆိုစော် မခန့်မှန်းနိုင်ပါသိမ့်၊ ဒေအချိန် မိုးကရွာ ဒုက္ခသည်တိက များလာလို့ ကူညီနိန်ရပါရေ။ အရာယင်းလောက်စော်မာ (၂၅)ရက်နိန့် ကုလားပြောက်ကျားဝင်တိုက်ဖို့လို့ သတင်းတိထွက်ပေါ်နိန်ရေအတွက် ဒေသခံတိ အထူးစိုးရိမ်နိန်ပါရေ”လို့ ဒုက္ခသည်တိကို အကူအညီပီးနိန်ရေ မြို့ခံတစ်ယောက်က လေးဝတီကိုပြောသည်။

မောင်တောမြို့  နတ်မြစ်တဖက်ကမ်းမှာဟိရေ ဘင်္ဂလာဒေခ်ျ့ အစိုးရက ဒေပိုင် အဓိကရုဏ်းကြီးတခုကို ပေါ်ပေါက်
အောင် နောက်ကွယ်က ကြိုးကိုင်ပီးနိန်ရေ ဘဂ်လာဒေခ်ျ့  ဘာသာရီးအစွမ်းရောက်အဖွဲ့ ဂျာမာတ်အီဆလမ် လှုပ်ရှားမှုတိကို မျက်ခြေမပြတ် စောင့်ကြည့်နိန်ရေကြားက ဒေပြဿနာပေါ်ပေါက်လားကြောင်း၊ ဘဂ်လာဒေခ်ျ့ တနိုင်ငံလုံးကို အစိုးရက (၁၇-၆-၂၀၁၂)နိ ရက်စွဲနန့် ထုတ်ပြန်ထားရေလို့ တောင်တန်းနယ် ဘန်ဒရိုဘန် (ခေါ်) ရွာတော်ခရိုင် လမားမြို့ နယ် ရွေးကောက်ပွဲအနိုင်ရ အုပ်ချုပ်ရီးမှူး အီစမိုင်လ်က လေးဝတီကို ပြောသည်။

”ဘဂ်လာဒေခ်ျ့ တနိုင်ငံလုံးက နှစ်(၂၀)ထိ  မြန်မာနိုင်ငံက ထွက်ပြီးလာရေ ရိုဟင်ဂျာဆိုရေ မူဆလင်ဘာသာဝင်တိကို ဒုက္ခသည် အဖြိုက်လက်ခံလို့ ယင်းဒုက္ခသည်တိရေ လူ(၅၀၀၀၀)လောက် ဘဂ်လာဒေခ်ျ့ ခရိုင်(၈၀)နီးပါးမှာ ဒေသခံတိနန့် အိမ်ထောင်ကျလို့ နိန်လီဂတ်တေ၊ ဒေဂု ကျွန်တော်ရို့ ကို အစိုးရက တိုက်ရိုက် ညွန်ကြားစာမှာ နိုင်ငံသားကဒ် (ID)တိထုတ်ပီးရေ မှတ်တမ်း၊ မိဖဇာတိ အဖိုးအဖီး အတိအကျစစ်ဆီးဖို့ ညွန်ကြားလို့ ယင်းညွန်ကြားစာကို တနိုင်ငံလုံးကျေးရွာ အဆင့်ထိ မှတ်တမ်းပို့နိန်ပါရေ”လို့ပြောပြပါရေ။

ဆက်လို့ ”လက်ဟိအာဏာပိုင်တိက အိုးမဲ့အိမ်မဲ့ အထောက်အထားမဲ့တိကို လောလောဆယ် တနိုင်ငံလုံး တထောင်ကျော်ဖမ်းဆီးထား
ပါဗျာယ်”လို့ ပြောပါရေ။

မြန်မာနိုင်ငံ မောင်တောနန့် ဘဂ်လာဒေခ်ျ့ တက္ကနာနယ်စပ်ဒေသ တလျှောက်လုံးကို ပိုက်စစ်တိုက် စောင့်နိန်ရေ (BGP) ခေါ် ဘဂ်လာနယ်ခြားစောင့် တပ်ကို လေးဝတီက ဆက်သွယ်ရေခါ ” (၉)ရက်နိန့်ကဘင် ဒေနိန့်(၂၂)ထိ မြန်မာနိုင်ငံက တရားမဝင်ခိုးဝင်လာရေ စက်ဘုတ်တိကို ဖမ်းဆီးလို့ လူဦးရေ စုစုပေါင်း(၉၁၈)ယောက်ကို စစ်ဆီး
မိန်းမြန်းဗျာယ် လွှတ်လိုက်ပါရေ။ နောက်ထပ် ကျွန်တော်ရို့ လက်ထဲမှာ (၁၈)ယောက်ကို ထိန်းသိမ်းထားပါရေ။
ကိုယ်ဝန်ဆောင်တိပါလာလို့ အချေမွီးဖွါးဖို့နန့် ကျွန်တော်ရို့ က အတတ်နိုင်ဆုံး လူမှုရေးအရ ပြုစုသင့်ရေ လူတိကို ပြုစု၊
ကျွေးသင့်ရေလူကို ကျွေးမွေးလို့ပြန်ပို့လိုက်ပါရေ။ ဒေကြားထဲမှာ အမျိုးသားတယောက်နန့် အမျိုးသမီးတယောက်ဘား
က ငွေစက္ကူအတုတိ အများကြီးဖမ်းမိလို့ ဥပဒေအရ အရေးယူထားပါရေ။ ကျွန်တော်ရို့ တပ်ဖွဲဝင်တိရေ လမ်းတိဈီးတိ ကားထက်တိမှာ လူတိုင်းကို တိတိကျကျစစ်ဆီးပါရေ။ ခိုးဝင်လာရေ လူဆိုကေ ချက်ချင်းဖမ်းပြန်ပို့ပါရေ။ ကျန်နိန်ရေ
(၁၈)ယောက်ကိုလေး ဒေနိ (၃)နံပါတ် မုန်းတိုင်း သတိပီးနိန်လို့ မိုးလီဝါသငြိမ်စော်နန့် ပြန်ပို့ပါဖို့”လို့ ပြောကြား
ခပါသည်။

မကြာခင်ကလေး ဂျာမတ်အီစ်လမ်အဖွဲ့ဝင်တိ  ဖလောင်းချိတ် မြို့ တည်းခိုရိပ်သာမှာ လျှို့ ဝှက်အစည်းအဝေးချနိန်လို့ အချိန်မီလားရောက်ဖမ်းဆီးကြောင်းနန့် တက္ကနာနယ်စပ် အာရ်ဘီဘာသာစာသင်ကျောင်း ဗလီထဲက တဖက်နိုင်ငံက ထွက်ဗြီးလာရေ အကြမ်းဖက်သမားတိကို ကူညီဖို့ အဝတ်ထည်ပစ္စည်းထုတ်တိနန့် အကြမ်းဖက်အဖွဲ့ နောက်က ကြိုးကိုင် ပီးရေလူတိကို ဖမ်းဆီးထားကြောင်းနန့် လွန်ခရေ တပတ်လောက်ကလည်း ဖလောင်းချိတ်မြို့ အန်ဂျီအိုတခုက ညွန်ကြားရေးမှူး ပါကိစ္စတန်နိုင်ငံသား ဒေါက်တာ ဇာဟိဒ်ဇာမာလ်ကို အရေးယူကြောင်း သတင်းစာတိမှာ ဖေါ်ပြထားပါရေ။

ရခိုင်ပြည်အရေးနန့် ပတ်သက်လို့ ဘဂ်လာပြည်သူတိကို မြန်မာနိုင်ငံရွှေဝါရောင် အရေးအခင်း သီဆုံးရေဓါတ်ပုံတိ၊ နာဂစ် ဂီရိမုန်းတိုင်းမှာ သီဆုံးရေပုံတိနန့် ထိုင်းနိုင်ငံက သီဆုံးရေ ဓါတ်ပုံတိကို ကွန်ပြူတာဆိုင်တိက print ထုတ်ပနာ ရခိုင်အရေးအခင်းမှာ မူဆလင်တိ သီဆုံးလားရေပုံစံ လိမ်ညာဝါဒဖြန့်မှုတိ ရှိကြောင်းနန့် လွန်ခရေ(၆)လလောက်ကဘင် (RSO) (ARNO)အဖွဲ့တိက တင်ကြို ကြံစီခရေ ကျောက်နီမော်ပြဿနာ တောင်ကုတ်ပြဿနာ မောင်တော စစ်တွေ ပြဿနာအရပ်ရပ်တိကို ဘဂ်လာသံအမတ် သတင်းမှတ်တမ်းပို့ပီးလို့ ပြဿနာဇစ်မြစ်တိကို ဘဂ်လာဒေခ်ျ့ နိုင်ငံ ဒေနိန့်ထုတ် သတင်းစာတိမှာ အဖြိုက်မှန်တိကို အမှန်အတိုင်း ရီးသားလာဂတ်ကြောင်း သိဟိရပါသည်။

လက်ဟိကမ္ဘာတဝန်းလုံးနန့် ပြည်ပနာမေကြီး မီဒီယာတိဖြိုက်တေ (BBC BOA DVB ဧရာဝတီ မဈ္ဇိမ နန့် တခြားသတင်းဌါနတိက ရိုဟင်ဂျာလို့ ကင်းပွန်းတပ်နိန်ရေ ကိစ္စနန့် ဘဂ်လာဒေခ်ျ့ နိုင်ငံမှာ(၁၉၉၂)ခုနှစ်ကဘင် မြန်မာနိုင်ငံက ထွက်ဗြီးလာရေ ဘဂ်လီမူဆလင်ဒုက္ခသည်တိကို ရိုဟင်ဂျာလို့ အသိအမှတ်ပြု မှတ်တမ်းဟိ မဟိကို အဆိုပါစခန်းမှာ တာဝန်ထမ်းဆောင်နိန်ရေ အရှာရှိ တာဝန်ခံတယောက်ကို  လေးဝတီက မိန်းရေခါ-

”အေချင့်မှာ မြန်မာနိုင်ငံမူဆလင် ရဖျူဂျီဒုက္ခသည်စခန်းလို့ရာ ရီးထားရေ ဒုက္ခသည်တိကို ထုတ်ပီးရေ(UN)ကဒ်တိ
စာရင်းတိ မှတ်တမ်းတိမှာ တခုမှာလည်း (ရိုဟင်ဂျာ)လို့ ရီးလို့မဟိပါ”လို့ပြောပါရေ။

ဆက်လို့” (၁၉၉၂)ခုနှစ်မှာ လူတသိန်းကျော်လောက်ရောက်တေ မြန်မာနိုင်ငံက ခန်းမှန်းခြေ (၅၀၀၀၀)လောက်ကို
ပြန်လို့လက်ခံလားပါရေ၊ ထပ်လို့အရာဗြီးလာရေ လက်ဟိစခန်းမှာ (၂၀၀၀၀)ကျော်လောက် ဟိပါရေ။ တတိယနိုင်ငံတိနန့် အိန္ဒိယ ပါကိစ္စတန် ထိုင်း မလေးရှား ဘဂ်လာဒေခ်ျ့ နိုင်ငံ ဒေသတွင်းတိမှာ ပြန့်လားရေ ခေါ်တောကုလားတိလည်း ရှိပါရေ။

ဘဂ်လာဒေခ်ျ့ က ဒေသခံတိနန့်လေး လုံးဝမသင့်။ အယင်က ဒုက္ခသည်စခန်းအပြင်ဖက်ကို ယင်းသူရို့ကို ထွက်ခွင့်ပြုပါရေ။ နောက်ပိုင်းမှာ မူးယစ်ဆီးဝါးမှုတိ၊ ဓမြမှုတိ အပါအ၀င် ဒုက္ခသည်စခန်းထဲက လက်နက်တိပါ ဖမ်းဆီးရမိရေအပြင် ဘာသာရေးအစွမ်းရောက်လက်နက်ကိုင်အဖွဲ့တိနန့်လည်း ဆက်စပ်မှုတိရှိလာရေအတွက် ဘင်္ဂလာအစိုးရက ဒေဂုဖြစ်စိုင်မှာ လုံးဝလက်မခံစွာဘာလို့ အစိုးရက ထုတ်ပြန်လားစွာဖြစ်ပါရေ။

ဒေကိစ္စကို ဘဂ်လာဒေခ်ျ့  လွှတ်တော်မှာထိ အတိုက်အခံပါတီဝင် ဂျာမတ်အီဆ်လန် အမတ်တိက ထိုသူရို့ကို လက်ခံဖို့ တင်ပြပါရေ။ လက်ဟိအစိုးရက လူအခွင့်အရီးအရ နှစ်ပေါင်း(၂၀) စောင့်ရှောက်ပီးထားဗျာယ်၊ အရာလုံးဝမပီးနိုင်ဗျာယ် ဒေချင့်တိကို နိန့်တိုင်း ဒေနိုင်ငံမှာ လွှတ်တော်ထဲမှာ အစိုးရက ဇာပြောရေ အတိုက်အခံတိက ဇာပြောရေ ဆိုစွာတိကို တီဗွီက တိုက်ရိုက်ပြနိန်စော်ရာ”လို့ ရှင်းလင်းပြောပြပါသည်။

အခုအခါ လွန်ခရေ (၈)ရက်နိန့် ကဘင်(၇)ရက်တပတ်ထိ နယ်စပ်ကုန်သွယ်ရီးနန့် ပင်လယ်ပြင်ငါးဖမ်းထွက်ခွင့်တိကို အစိုးရက လုံးဝပိတ်ပင်ထားကေလည်း ဒေဂုလွတ်လပ်စွာ ဖွင့်ထားကြောင်း မြန်မာဖက်က ပို့ကုန်တိရောက်လာနိန်ဗျယ်ဖြစ်ကြောင်း ရခိုင်ပြည်ပြဿနာ တည်ငြိမ်လားဗျယ်ဖြစ်ကြောင်း ဘဂ်လာဒေခ်ျ့  အစိုးရသတင်းတိမှာ တင်ပြနိန်ရေလို့ သတင်းရဟိပါသည်။

လေးဝတီ(တက္ကနာ)