ရခိုင်နိုင်ငံပိုင် ရှင်မဖြူကျွန်းဆိုစော် ဗမာပိုင်ခရေ – ယေဗြီးနာ

ဒေကနိ ပြောစရာတိကို ပြောကတ်ရီးကတ်ရေအခါမှာ သမိုင်း နင့်ပါတ်သက်စော်တိ ဟိလာကေ သမိုင်း၏ နောက်ခံဖြစ်စိုင်တိ ကို လေ့လာသိထားဗြီးမှ ပြောကတ်ဆို ကတ်စော် ကောင်းရေ။ ပြည်ထောင်စုမြန်မာနိုင်ငံ မှာတိုင်းရင်းသားလူမျိုး (၁၃၅) မျိုး နီထိုင်ကတ်ပါရေ။ ဒေ (၁၃၅) မျိုး နင့် ပါတ်သက်လာကေ ဒေတိုင်း ရင်းသား လူမျိုး ရို့တိ နောက်ခံသမိုင်းစီကို အထင်အရှား ရှိနီရေအတွက်တိတိ ကျကျလေ့လာမှတ်သားပြီးမှ ပြော ကတ် ရီးကတ်စော်ကာ င်းရေ။ ယေကေတောင်မှ ကာယကံရှင်တိဖြိုက်တေ တိုင်းရင်း သားလူမျိုးတိလောက် အရာ ခပ်သိမ်းက ပြည့်စုံဖို့ စော်ကား မဟုတ်ပါယေ။ယေဇူးကြောင့် မျက်မှောက်ကာလ မှာ ဖြစ် ပျက် နီရေ အစိတ်အပိုင်း တခုအနီနင့်ကာယကံရှင်ဖြိုက်တေ သမိုင်းဖြစ်ရပ်မှန်ဖက်က ရပ်တည်ပနာ ဒေကနိ ပြောချင် ပါရေ။ သမိုင်း ဆိုစော် စက္ကူစုတ်မဟုတ်ဆိုစော်ကို ပိုလို့ သိစီချင်လို့ ပြောစော်ဖြိုက်တေ။ ယေတာ လဲ့  ဖြစ်ပျက်နီခရေ အကြောင်းအရာ တိကိုပြန်လည်တုန့် ပြန်ပနာ ပြသနာကို အငြင်းပွါးအောင်ပြုလုပ်စော် မဟုတ်တေ ဆိုစော် ကိုတော့ နားလည် ထားပီးရပါလိမ့်ဖို့  ။ ဖြစ်ပျက်နီခရေဆိုစော်က တချိန်ကအတိတ်မှာ သမိုင်းမှာ ဖြစ်ပျက်ခစော်ကို အငြင်းပွားအောင် မပြု လုပ်ဆိုပနာ ပြောစော်ဖြိုက်တေ။ အခုမျက်မှောက် ကာလမှာဖြစ်ပျက်လာနီစော်ကို ပြောစော် ကား မဟုတ် ပါယေ။ ဇါဖြိုက်လို့ ဆိုကေ ပြသနာတရပ်ကိုကိုယ်တွယ် မဖြီရှင်းတတ်တေ့  သမတဦးသိန်းစိန်အစိုးရ၏ လက်ထက်မှာအချုပ်အချာအာဏာ နယြေ်မတည် တန့် ခိုင်မြဲရီး ဆိုစော် ကုန်းမြေကိုချည်းခေါ်ဝေါ်လီစော်လား ဆိုစော် မပြောတတ်အောင် ဖြစ်မိပါရေ။ သူရို့ တိအသုံးမကျ လို့ အခုပိုင် ဘ၈င်္လားပင်လယ်ပြင် ရီပြင်နက်ကို ဆုံးရှုံးပီး လိုက်ရစော်ထက်ရှင်မဖြူကျွန်းခေါ် စိန့် မာတင်ကျွန်းကို ပီးလိုက်စော်က နိုင်ငံရီးပြသနာတရပ်ကို မကိုင်တွယ် တတ်တာဘဲဖြိုက်တေ လို့ သုံးသပ်ပြရဖို့ ပါရာကာ။ နိုင်ငံတနိုင်ငံမှာ အချုပ်အချာ အာဏာပိုင် နယ်နယ်နမိတ် ဆိုစော် ကုန်းရီလီမြီ ပိုင်စိုးခြင်း ကို ခေါ်ဝေါ်ခြင်းဖြိုက်ပါရေ။ဒေမြီဒေလီဒေရီကို အချုပ်အချာ မပိုင်စိုးနိုင် ခကေ ဒေစော် ကိုအုပ်ချုပ်သူအစိုးရအဖို့  နိုင်ငံတော်အချုပ်အချာ အာဏာစိုးမိုးရာနယ်မြေလိုသတ်မှတ်လို့  မရနိုင်ပါကားယင် ။

ဘင်္ဂလားပင်လယ်ပြင် နောက်ခံသမိုင်း။

တချိန်က ဘင်္ဂလားပင်လယ်ပြင်သမိုင်းကို ရခိုင်နိုင်ငံကကောင်းကောင်းကြီး မုန်တိုင်းတိ ရိုက်ခပ်နိုင်ခပါရေ ။ ဒေ့ခ်ျနိုင်ငံ၊ပေါတူဂီနိုင်ငံတိနင့် -၁ရ-ရာစုလောက်မှာ အကြီးအကျယ်ကုန်သွယ်ဖက်နိုင်ငံအဖြိုက် စီးပွါးရေးပြု လုပ်ဆက်ဆံခကတ်ပါရေ ဒေ။ အနောက်နိုင်ငံသား ရခိုင်သမိုင်းသုတေသီ -Dr-Jacques P Leider -ဒေါက်တာ

ဂျက်လေဒါက -၁၆၆၆-ခုနှစ်မှာ ရခိုင်နိုင်ငံဟာ ဒေ့ခ်ျတိနင့်ဆက်ဆံရီးမပြီမလည်ဖြစ်ရာကနီပနာ စစ်တကောင်းကို လက်လွှတ်ပီးခရလို့ ယင်းအချိန်မှာ ဘင်္ဂလားပင်လယ်ပြင်ကို စိုးမိုးရာကနီဗြီးကေ အာဏာစက်ဆုတ် ယုတ်လား ရရေလို့  ဆိုပါရေထော ။ ဒေ့ခ်ျ ၊ပေါတူဂီ၊အာရှေးနိုင်ငံ ။ ဂူဂျာရတ် စတဲ့  နိုင်ငံတိနင့်ကုန်သွယ်ဖက်အကြီးအကျယ်

လုပ်ခကတ်တေအခါ စစ်တကောင်းကို ပိုင်စိုးခရေ ရခိုင်နိုင်ငံ၏၁ရ-ရာစုကာလဖြစ်တေလို့  ထောက်ပြကတ်ပါရေ ။ အနောက်နိုင်ငံသား- Stephen VanGalden -စတီဗန် ဗန် ဟားလ်ဒန်ကတော့ခါ -၁ရ-ရာစုမှာ ဘင်္ဂလား ပင် လယ်ပြင်ကိုကြီးစိုးခရေရခိုင်နိုင်ငံဆိုစော်အနောက်နိုင်ငံက ဒေ့ခ်ျနင့်ပေါ်တူဂီနိုင်ငံအချင်းချင်းစားခွက်လုရာ ကနီ ပနာ ရခိုင်တိဖက်ကဒေ့ခ်ျနိုင်ငံက နောက်ပိုင်းမှာ ပူးပေါင်းဆောင်ရွက်ခြင်း မရှိခလို့ ဒေပိုင် ဆုံးရှုံးလားရခြင်း လို့  အသိအမှတ်ပြုပါရေ ထော။မည်သို့ပင်ဆိုစီကာမူစစ်တကောင်းကိုရခိုင်နိုင်ငံပိုင်စိုးခစော်နင်ဘ၈င်္လားပင်လယ်ပြင် ကို ရခိုင်တွေ ကြီးစိုးခစော်ကတော့ခါ သမိုင်းမှာအထင်အယှားဟိနီခစော်ပါရာချင့်။ဘဂ္ဂင်္ါး၁၂-မြို့ နင့်ဒက္ကားမြို့ အထိ ကိုရခိုင်နိုင်ငံက ပိုင်စိုးခစော်ရေ-ရခိုင်သမိုင်းမှာအထင်အယှားဟိနီခစော်ပါရာမနား။ တချိန်ထဲမှာ ပြောချင်စော် က ဒေပိုင် အခုအချိန်မှာနယ်မြီပိုင်ဆိုင်မှုကို ချပြနီစော်ရေ ရခိုင်လူမျိုးတိကိုယ့်မင်းကိုယ့်ချင်းနင့် နီထိုင်လာခ ကတ်စော် ကို သမိုင်းမှာအမှန်အဂင့်ဂင့် ဟိနီခစော်ကိုသိစီချင်လို့ ဖြစ်ပါရေ ။

ဘိုးတော်မောင်ဝိုင်းက ရခိုင်နိုင်ငံကို သိမ်းပိုက်လားရေတဲ့ အခါရခိုင်ပိုင် အချုပ်အချာ နယ်မြေဒေသတိကို ဗမာတိ ပိုင်ဆိုင်လားပါရေ ။နှစ်( ၄၀ ) စိုးမိုးအုပ်ချုပ်လားခရေ့ အခါမှာ ရခိုင်နိုင်ငံပိုင်ခရေရှင်မဖြူကျွန်းက ဗမာဘုရင် ပိုင်နက်နယ်မြီဖြိုက်ခရစော်ပါမနား ။ ရှင်မဖြူကျွန်းကို အင်္ဂလိပ်အစိုးရက သိမ်းပိုက်ဖို့ လုပ်တေအခါ ယင်းကျွန်းကိုစိန့် မာတင်ကျွန်းရာလို့  မခေါ်ဝေါ်ကတ်ပါသီး ။ မဟာဗန္ဓုလနင့်မြန်မာအစိုးရကို စာပီးပနာ တောင်း ဆိုစော်မှာ ယင်းကျွန်းက ( Shapuri )ကျွန်းလို့  အသိအမှတ်ပြု ခေါ်ဝေါ်နီတုံးရာ ဟိနီပါသိရေ ။ စိန်မာတင်ကျွန်း ရယ်လို့  မသတ်မှတ်ရပါသီး ။ ယင်းကျွန်းမှာ ရခိုင်လူမျိုးတပ်မှူး ခေါင်းစောက်ကေဆိုစော် ဗမာဘုရင် စီလွှတ်လို့  နီခစော်မှာအင်္ဂလိပ်အစိုးရ၏ ကုမ္ပဏီဝန်ထမ်းတိက တိုက်ပွဲမှာ တိုက်ယင်း သတ်ဖြတ်လို့ သီဆုံးခရ ပါရေ ယေ။ ယင်းအချိန်က ရှင်မဖြူကျွန်းဆိုစော် ရခိုင်လူမျိုးတိပိုင်ဆိုင်ခလို့  ယင်းကျွန်းထက်မှာ နီထိုင်ခကတ်တေဆိုစော် သမိုင်းမှာငြင်းမရရေ အချက်တိဖြိုက်ပါရေ။ ယင်းပိုင် ရခိုင်တပ်မှူး ခေါင်းစောက်ကေ ဆိုစော်ရှင်မဖြူကျွန်း အရီးအခင်းမှာ ကျဆုံးလားရရေ -ရခိုင်လူမျိုးတယောက်ဖြိုက်ပါရေ။ ရှင်မဖြူ ( Shapuri ) ကျွန်းဆိုစော် ရခိုင် နိုင်ငံတော်ကသာပိုင်ဆိုင်ခရေ နယ်မြေဖြိုက်လို့  ယင်းအချိ်န်ကာလက ဇါလူမျိုးတဦးတလေမှ မနိထိုင် ခရဆိုစော် သိသာနိုင်ပါရေ ။ ရှင်မဖြူကျွန်းကိုစာချုပ်ပြုလုပ်ပြီး ကိုလိနီလုပ်ကတ်တေ့  အခါမှာ ယင်းကျွန်းကို ရခိုင်လူမျိုးတိ ပိုင်ရေ လို့  မပြောရဆိုပနာ တောင်းဆိုထားစော် တွိရပါရေ။ ယင်းကျွန်းမှာ ရခိုင်လူမျိုးတိ တက်ရောက်နီထိုင် လာ ခကေ ဖမ်းဆီး ထောင်ချမေလို့ စည်းကမ်းစာချုပ်မှာ ထည့်ထားပါရေ ဒေ ။ ။ ယေဗြီးကေ မြန်မာနိုင်ငံအလံကိုစိုက် ထူခွင့်ပီးမေလို့  ဆိုထားပါသိယင့်မြန်မာအလံတော်ကို စိုက်ထူခွင့် ပီးရေ ဆိုစော်က ယင်းကျွန်းကိုမြန်မာနိုင် ငံ က ပိုင်ဆိုင်ရေဆိုစော် သဘောမဟုတ်ပါလားယေ။ ဒေချင့်စော် ရှင်မဖြူကျွန်းခေါ် ( Shapuri ) ကျွန်း၏ အရှေ့ အိန္ဒိ ယ ကုမ္ပဏီနင့် စာချုပ်ချုပ်ဆိုရာမှာ ပါခရေ အချက်အလက်တိ ဖြိုက်ပါရေ ဒေ။ ဒေပိုင် ရှင်မဖြူ ကျွန်းခေါ် (Shapuri)ကျွန်း အကြောင်းကို ရခိုင်သမိုင်းသုတေသီ စာရီးဆရာကြီး ဦးစံရွှေဘုက (THE OLD ARAKAN) စာ အုပ် မှာအဂ်လိပ်ဘာသာနင့် သေသေချာချာ အတိအလင်းကိုရီးသားဖေါ်ပြစော်ခစော် ဟိပါရေ။ ယင်း သမိုင်း ဆိုင်ရာ စာအုပ်မှာ ရှင်မဖြူကျွန်းကိုရခိုင်နိုင်ငံက ပိုင်ဆိုင်ဗြီးနောက် ဗမာဘုရင်က ပိုင်ဆိုင်ခလို့ ရာ အရှေ့ အိန္ဒိယ ကုမ္ပဏီနင့် ဖြေရှင်းခရစော်လို့ လို့  သက်သီအထောက်အထားတိနင့် ယှင်းယှင်းလင်းလင်း ဖေါ်ပြထားစော်ပါရာ။ မစ္စာရောဘတ်ဆင်( )၏ ပီးစာတိနင့်  စည်းကမ်းစာချုပ်တွေကို ကြည့်ကေ ယင်းခါက ဗမာပိုင်သော ရှင်မဖြူ ကျွန်း ဆိုစော် အင်္ဂလိပ်အစိုးရအတွက် နယ်ချဲ့ ရာမှာခရီးတထောက် ကုန်းမြေသက်သက်သာဖြစ်ခရေ ဆိုစော်ကို ရခိုင်သမိုင်းမှာဟိရေပိုင် အင်္ဂလိပ်ေ၈ဇက်မှာမလဲ ခုထိ ဟိနီဆဲရာပါမနား ။

မျက်မှောက်ကာလ သမိုင်းကို အဖြီရှာနည်း ။

ပထမရှေးဦးစွာ ရှင်မဖြူကျွန်းခေါ် ( Shapuri ) ကို ရခိုင်နိုင်ငံက ပိုင်ဆိုင်ခပါရေ ။ ဒုတိယအချက်အနီဖြင့် နှစ်( ၄၀ ) စစ်ပွဲနင့် ဗမာဘုရင်က ရှင်မဖြူကျွန်းကို ပိုင်ဆိုင်ခရေ ။ တတိယအချက်အနီနင့် ၁၈၂၄–ခုနှစ်မှာ အင်္ဂလိပ် အစိုးရက ရှင်မဖြူကျွန်းခေါ် အုန်းကျွန်းခေါ် ( Shapuri ) ကို လက်နက်အားကိုးနင့် မတရားသိမ်းပိုက်လားပါရေ ။ ဒေပိုင်ပိုင်ဆိုင်ခသော နိုင်ငံနင့် လူမျိုးတိရေ ကာယကံရှင်ဖြစ်တ မူလ ပိုင်ရှင် ရခိုင်လူမျိုးတိ၏ လက်ထဲက စစ်နိုင် သူများအဖြိုက် ပိုင်ဆိုင်လားကတ်ခြင်းဖြိုက်တေ ။ ဒေပိုင်ရခိုင်နိုင်ငံက ပိုင်ဆိုင်ခရေ ရှင်မဖြူ ကျွန်းကို ဗမာပိုင်ရေ ဆိုစော်ငြင်းမရရေ အချက်ဖြစ်ပါရေ ဒေ ။ ၁၉၄၈-ခုနှစ်မှာ အင်္ဂလိပ်အစိုးရက မြန်မာနိုင်ငံကို လွပ်လွပ်ရီးပီးရေအခါ ဗမာပိုင်နယ်မြီဒေသတိကို အားလုံးလွပ်လွပ်ခွင့်ပီး ရဖို့  ဖြိုက်တေ။ လွပ်လွပ်ရီးအရ ပီးရဖို့  ဖြိုက်တေ နယ်မြီဒေသ မှာ ဒေပိုင်ချွင်းချန်ထားတတ်တယ်ဆိုစော် အိန္ဒိယနိုင်ငံနင့်  ပါကစ္စတန်နိုင်ငံရို့  အငြင်းပွါနီရေ ကက်ရှမီးယားပြည် နယ်ဖြစ်နီစော်မျိုးပိုင် ဖြိုက်နီစော်ကို ကြည့်ကေသိသာနိုင်ပါယင့်။ မြန်မာနိုင်ငံနင့် အိန္ဒိယနိုင်ငံဆိုစော် ယင်းအချိန် က ကိုလိုနီဖြစ်နီရေ အတွက် လွပ်လွပ်ရီးပီးရေအခါမှာ တနှစ်လောက်ရာ ကွာခြားပနာ လွပ်လွပ်ရီးပီးခစော်ဖြိုက် ပါရေ ။ နယ်ချဲ့  အုပ်စိုးခသူ အ၈င်္လိပ်အစိုးရဆိုစော် သူကိုလိုနီပြုလုပ်ခရေ နယ်မြီဒေသတိကို ကိုလိုနီဖျက်သိမ်း ရီး ဥပဒေအရ ဒုတိယကမ္ဘာစစ်အဗြီး လွပ်လွပ်ရီးပီးရေအခါ အခုပိုင် အိန္ဒိယနိုင်ငံနင့် ကက်ရ်ှမီးယားပြည်နယ် ကို နှစ်ခြမ်းကွဲအောင် လုပ်ခပနာ စစ်မီးထတောက် စီခစော်ဖြိုက်ပါရေ ဒေ။ အခုအချိန်ထိယင်းနှစ်ခြမ်းဖြစ် လားခရေ ကက်ရှင်္မီးယားဆိုစော် အလှပလှ လှရေပြည်နယ်ဖြိုက်ကေတောင်မှ ဆီးနှင်းတိ လွှမ်းခြုံနီရေ နီရာတိမှာသွီး စက်တိနင့် ပြည့်လျှံ့နိပါရေထော။ ဒေချင့်စော်အင်္ဂလိပ်အစိုးရကလွပ်လွပ်ရေးပီးနည်းတခုရာဖြိုက်ပါရေ။အခုလေး သွင့် ရှင်မဖြူကျွန်းခေါ် ( Shapuri )ကို လွပ်လွပ်ရေးပီးရာမှာ ဗမာပိုင်ဖြစ်ပါလျှက်နင့် မြန်မာနိုင်ငံ လွပ် လွပ်ရေး ရလာရေအခါလွပ်လွပ်သောနယ်မြေအဖြိုက်အသိအမှတ်မြ့ပုခပါယေ။ ယေချင့်စော်သမိုင်းနောက်ခံ ဖြီ ရှင်းနည်း တခုကိုခက်ခဲအောင် ပြုလုပ်လိုက်ခြင်းဖြိုက်တယ်လို့ မြင်မိပါရေ ဒေ။လူမျိုးရေးသွီးချောင်းစီး ဖြိုက်အောင် ပြု လုပ်နည်းဖြိုက်စော်ပါရာမနားယင်။

အတိတ်ဆိုစော် ဒေကနိ့ ပစ္စုပန်ကာလ၏ အရေးကြီးဆုံးအချိန် ။

တချိန်က သမိုင်းဆိုစော်ကို ပဒေသရဇ်ကာလ၏့  လက်နက်အားကိုးနင့် အင်ပါယာချဲ့ ထွင်ခ့ စော်ရာလို့  အလွယ် ကာချေ ပြောလို့  မရပါကားယေ ။ အဂင့်ဂင့် အမှန်ဟိခရေ သမိုင်းဖြိုက်ရပ်ကို လက်လွပ်စပယ် ပြောလို့ မရပါယေ ။ အယင်က စစ်နိုင်သူရို့  နယ်ပယ်ချဲ့ ထွင်ခကတ်လို့ ဘဲဖြိုက်ဖြိုက် ဆုံးရှုံးခကတ်လို့ ဘဲဖြိုက်ဖြိုက် ဒေချင့် က သမိုင်း ရာဖြိုက်တေ ။ သမိုင်းမှာ သွီးစွန်းခစော်တိကို မပြောလို့ မရပါဒေ။ သမိုင်းမှာ မှားခစော်ကို မပြောလို့  မရ ပါမနား ။ ဒေပိုင်ဖြိုက်လို့ လူတိ သီဆုံးခဲ့ ကတ်ရစော်ကို အခုမျက်မှောက်ကာလမှာ နိုင်ရေ့ သူက တောင်း ပန်ရဲရ ပါလိမ့်မေ ။ ဒေပိုင်ဖြိုက်စ်ရပ်ဆိုးတိကို မကြုံရအောင် ဖန်တီးယူရဲရပါလိမ့်မေ။ ယေမှ လူကြီးလူကောင်းဆန်ရေ လို့  အသိအမှတ် ပြုနိုင်ကတ်ဖို့  စော်ပါရာ ။ အယင်က အင်ပါယာချဲ့ ထွင်ခစော်ကို ခုအချိန်မှာ ပြောလို့ မရဗျန် ။ ခုအချိန်မှာရှင်မဖြူကျွန်းကိုဘင်္ဂလားဒေ့ရ်ှနိုင်ငံပိုင်ဆိုင်လားခဗျန်ဆိုစော်ကိုလက်ခံရမေဆိုစော်မျိုးနဲ့ လောက်ေ တာ့ ပြောလို့ မရပါဒေ ။ ဇါဖြိုက်လို့ လို့ ဆိုကေဘင်္ဂလားပင်လယ်ပြင်၏ ရှင်မဖြူကျွန်းမှာ သွီးမြီကျခရေ သမိုင်းတိ ထဲမှာ ဘင်္ဂလားဒေ့ရ်ှနိုင်ငံက ယင်းအချိန်မှာ မဟိသီးရေပိုင် ဘင်္ဂလီလူမျိုး တယောက်တလေတောင်မှ ယင်းကျွန်း ထက် မှာ တဲထိုးလို့  မနီဖူးဖူးပါကာ ။့ယေဇူးကြောင့် အတိတ်ဆိုစော် ခုအချိန်မှာ မျက်မှောက်ကာလ၏ ဆုံးဖြတ် ချက်အတွက် အရေးကြီးစော်ဖြိုက်ပါရေ ။

ကက်ရ်ှမီးယားလို စစ်မီးထတောက်လာမည်လော ။

အိန္ဒိယနိုင်ငံ၏ အလှပဆုံးပြည်နယ်တခုကို ပြောရကေ ကက်ရ်ှမီးယားပြည်နယ်ဆိုစော် ဆီးနှင်းတိနင့် ဆယ့်နှစ် လရာသီ ၀ိနီရေ အလှပဆုံး ပြည်နယ်ဆိုပနာ လက်ညှိုးထိုးပြရပါဖို့ ကာ။ မိန်းမချောချေတိ၏ မျက်လုံးချေတိက

သမင်မမျက်လုံးချေတိပိုင် စိမ်းဝါနေပြီး လေးကိုင်းသဏ္ဍန်ရှိရေ မျက်ခုံးတိနင့်သူတို့ ၏အလှတိနင့် သူရို့  ပြည် နယ်ကို ဖန်ဆင်းနီကတ်စော်ဖြိုက်ပါရေ။ ကမ္ဘာလောက် အီးချမ်းရေ ဆောင်းရာသီ မဟုတ်ကေတာင် ဆီးနှင်းတိ ကျဆင်းဝီနီပိုင် ယင်းပြည်နယ်ကို ကမ္ဘာလှည့်ခရီးသည်တိ အများကြီးလည်ပတ်လားကတ်တတ်တယ်။

ယေကေလေးသွင့်ကမ္ဘာလောက်နန်အီးချမ်းဆိတ်ငြိမ်ရေ့ ယင်းနယ်မြီမှာနိုင်ငံရီးမတည်မငြိမ်ဖြိုက်လို့  သေ နတ် သံတိညံနီပါရေ ။ ပေါက်ကွဲသံတိဆူဝီနီပါရေ ။ လူတိ သီဆုံးနီကတ်ရါရေ ။ ကလေမေချေတိဆိုစော်သူရို့ ၏

့အလှတိကို သေနတ်ကိုင်ရေ လက်တိနင့် မိတ်ကပ်မလိမ်းရပါဒေ။ ပါကစ္စတန်နိုင်ငံ၏့  ကတ်ရ်ှမီးယားပြည် နယ်ထဲက ချစ်သူရည်စားကိုလက်ထပ်ပေါင်းသင်းမိရ အိန္ဒိယနိုင်ငံက ကလေချေတိမှာ သူရို့ ၏အမိမြီအတွက် တိုက်ပွဲဝင်နီကတ်ရပါရေ။ ဒေနီရာမှာ နှလုံးသား၏ ပန်းနင့်ပေါက်ခြင်းမက စပ်ရဘဲနင့် ချစ်သူတိမှာ သေနတ်နင့်  ပစ်သတ်တမ်းကစားနီကတ်ပါယင့်ယေ ။ ပါကစ္စတန်နိုင်ငံထဲမှာပါသွားရေသူက အိန္ဒိယ နိုင်ငံထဲပါလားရေ သူတိကို ရန်သူပိုင် သဘောထားကတ်ပါရေ ။ ဒေချင့်က အင်္ဂလိပ်အစိုးရက အိန္ဒိယ နိုင်ငံ နင့် ပါကစ္စတန်နိုင်ငံကို ကတ်ရ်ှမီးယားပြည်နယ်ကို နှစ်ခြမ်းခွဲပနာလွပ်လွပ်ရေးပီးခရေ စနက်တံကြောင့် ဖြိုက်ပါရေ ။ အခုလေး သွင့်မြန်မာနိုင်ငံကို နယ်ချဲ့  သိမ်းပိုက်ခရေ အင်္ဂလိပ်အစိုးရကမြန်မာနိုင်ငံကို လွပ်လွပ်ရေးပီးရေအခါ ရှင်မဖြူ ကျွန်း ကို သီသီချာချာ ထည့်သွင်းဖေါ်ပြခြင်းမပြုခပါယေ ။ ယေကေလေးသွင့်  စောစောကပြောခရေပိုင် သမိုင်း ဆိုစော် မျက်မှောက်ကာလဖြိုက်တေ ပစ္စုပန်ကာလမှာ အလွယ့်ကာချေနင့် ဖယ်ထားလို့  မရဆိုစော် ယှင်းနီပါ ယင့် ။ ကိုလိုနီလုပ်တုံးတေခါက ပါနီခ ဟိနိခနယ်မြီဒေသကိုလွပ်လွပ်ရီးပီးရေ့ အခါ ယင်းနီရာဒေသတိက မုချ အကျုံးပါဝင်ပတ်သက်မှုဟိနီရစော်ဖြိုက်ပါရေ ယေ ။ ယေချင့်ကို နိုင်ငံတကာစာချုပ်စာတမ်းအရ ဘယ်သူမှ ငြင်းချက်ထုတ်လို့ မ ရဘူး ။ အဂင့်ဂင့်ရာ့  ငြင်းချက်ထုတ်လို့ ဟိလာကေတစ်ကပြန်စဖို့ အတွက် စစ်မီးတိ ထတောက်ရဖို့ လားဆိုစော် မီးခွန်းထုတ်စရာဖြစ်နီပါရေ။

အဓိကတာဝန် ရှိသူ သမတဦးသိန်းစိန်ဖြိုက်တေ ။

နိုင်ငံတနိုင်ငံ၏အချုပ်အချာအာဏာပိုင်နယ်မြီကိုတလက်မမှမထိစီရဆိုစော်နိုင်ငံတိုင်း၏နိုင်ငံတော်ဖွဲ့ စည်း အုပ်ချုပ်ပုံအခြီခံဥပဒေမှာဖေါ်ပြထားစော် ဟိပါရေ။ ဒေနိုင်ငံတော်၏ဖွဲ့ စည်းအုပ်ချုပ်ပုံအခြီခံဥပဒေကို ထိမ်းသိမ်း လိုက်နာရေး အတွက် ဒေအချုပ်အချာ အာဏာပိုင်နယ်မြီကိုထိမ်းသိမ်းကာကွယ်စောင့်ရှောက်တေ့ အနီနင့် လက်နက်ကိုင်တပ်မတော်သားတိကအသက်ကိုပဓာနမထားဘဲ အသက်ပီးကာကွယ် စောင့်ရောက်နီကတ်ပါရေ ။အခုတော့ကာသွီးမြီတစက်မှမကျရဘဲနင့်အချုပ်အချာအာဏာနယ်မြီကိုလက်လွပ်စပယ်ပေးလိုက်ရဗျန်ဖြိုက် ပါရေ ။ ဒေပိုင်လက်လွပ်စပယ်ပီးလိုက်စော်မှာအဓိကတာဝန်ရှိသူအဖြိုက်သမတဦးသိန်းစိန်မှာ ဖြီရှင်းရဖို့  အကြောင်း အရာဖြိုက်ပါရေ ။ဘင်္ဂလားဒေ့ရ်ှနိုင်ငံက လက်နက်အားကိုးနင့် နယ်ချဲ့ လာစော်မဟုတ်ဘဲ

တရား ရုံး တဆင့် ဖြီရှင်းနည်းနင့်  တောင်းဆိုခစော်ဖြိုက်ပါရေ ။ ယင်းချင့်ကိုအကောင်းဆုံးဖြီယှင်းနည်းဖြိုက်ဖို့  အတွက် သမတဦးသိန်းစိန်က ဇါပိုင်တခုချေလေးသွင့်မတည်ဆောက်နိုင်ခပါဒေ။ ပြည်သူ့ လွှတ်တော်ညီလာခံမှာ ကျင်းပနီရေလွှတ်တော်ကိုယ်စားလှယ်တိနင့်  ဒေပြသနာကို နိုင်ငံတော်၏ အချုပ်အချာနယ်မြီနင့် ပတ်သက် နီရေ ဆိုစော်ကို ချမပြခပါယေ ။ မဆွေးနွေးခကတ်စော်ပါရာမနား ။ စာတမ်း ဖတ်သံလေးသွင့် မကြမိပါကာ ။ ရှင်မဖြူကျွန်း၏ သမိုင်းကိုရခိုင်သမိုင်းသုတေသီတိ သိကြကတ်ပါယင့်သားနင့် ဇါတခုချေေလးသွင့် အကူအညီ

မတောင်းခံခခပါကားယင်။ ၁၉၇၄-ခုနှစ်မှာမှ ကမ္ဘာ့မြီပုံမှာ ဘ၈င်္လားဒေ့ရ်ှနိုင်ငံပါလို့  လွပ်လွပ်ရေးရလာရေ နိုင်ငံချေတနိုင်ငံက ဘင်္ဂလားပင်လယ်ပြင်နင့် နီးလို့  ဒေပင်လယ်ပြင်၏ မိုင်-၂၀၀- ၀န်းကျင်ကို သူရို့ နိုင်ငံ

ပိုင်ဆိုင် ခွင့် တောင်းရေဆိုတာကို ဘာခါမှ မပြောသာကေလေး ဇတခုချေမှ မပါတ်သက်တေရှင်မဖြူကျွန်းကို ပီးလိုက်စော်ကတော့ အဓိပ္ပါယ်ရှိရေလုပ်ရပ်တခုမဟုတ်ဘူးဆိုစော် ပြောရဲပါရေ ။ ယေကေတောင်မှ ပင်လယ်ပြင်

ရီအောက်မျက်နှာပြင်ကသဘာဝဓါတ်ငွိ့ ထွက်လာလို့ အခုပိုင်တောင်းဆိုလာရခြင်းဖြိုက်ပါရေ။မဟုတ်ကေ တောင်း ဆိုဖို့ စော် မဟုတ်ပါသီး။ ယေဇူးနင့်ကိုယ်ပိုင်ရေ နယ်မြီဒေသကို ဆံုးရှုံးစီခြင်းဆိုစော် နိုင်ငံတော်ဖွဲ့ စည်းအုပ်ချုပ်ပုံ အခြီခံဥပဒေကို ချိုးဖေါက်ခြင်းဘဲဖြိုက်ပါရေ ။ ဒေပြသနာမှာအဓိကတရားခံက သမတဦးသိန်းစိန်ဖြိုက်တေဆိုစော် ပြောချင်ပါရေ ။။။

နိဂုံး ။

နိဒန်းကနေပြီး နိဂုံးအထိ တင်ပြစော်မှာ ဘ၈င်္လားပင်လယ်ပြင်ဆိုစော် တချိန်က ရခိုင်တိ ကြီးစိုးရာ နယ်မြီဖြိုက် တယ်ဆိုစော် နားလည်လားပါလိမ့်မေ လို့  ထင်ရပါရေ ။ ယေဗြီးကေ ရှင်မဖြူကျွန်းဆိုစော် ရခိုင်နိုင်ငံက ပိုင်ခရေ ။ နောက်တော့ ဗမာဘုရင်ကပိုင်ဆိုင်ခရေ ။ နောက်တော့ အင်္ဂလိပ်အစိုးရက ပိုင်ဆိုင်လားရေ။မြန်မာနိုင်ငံ ကို လွပ်လွပ်ရီးပီးခါမှာတော့ ကိုလိုနီလုပ်တုံးက မြန်မာနိုင်ငံရဲ နယ်မြေဖြစ်တဲ့  ရှင်မဖြူကျွန်းကို လွပ်လွပ်ရေးပေးရာ မှာ မပြုလုပ်ခဲ့ ဘူး။ အခြားတဖက်မှာ ဇါမှ မပါတ်သက်ဘဲနင့်  ဘင်္ဂလားဒေ့ရ်ှနိုင်ငံကို အခုအချိန်မှာ စေတနာ ဗလပွနင့် ထိုးပေးလိုက်ရပါဗျန်ထော ။ နိုင်ငံတနိုင်ငံ၏ ပင်လယ်ပြင် အကွာအ၀ီး နယ်နမိတ်ကို ဒေကနိ ကမ္ဘာ့ နိုင်ငံ အသီးသီးမှာကျင့်သုံးချမှတ်ထားရေ ဥပဒေအတိုင်း ဆောင်ရွက်ရရေဆိုစော် နားလည်ပါရေ။

ယေကေလေး သွင့် နားမလည်စော်က ရှင်မဖြူကျွန်းကို ဇါမှ မပါတ်သက်ပါဘဲနင့်ပီးလိုက်ရရေ ဆိုစော် ပါဒေ။ ဒေချင့်က နိုင်ငံတော်၏့  အချုပ်အချာ အာဏာကိုထိပါးစော်ကား ခံလိုက်ရစော်လို့  မြင်ပါရေ ။ ဇါတ ခုချေမှ မပါတ်သက်သောရှင်မဖြူနင့် ဘင်္ဂလားဒေ့ရှင်္နိုင်ငံဆိုစော် ဒေကနိ အင်တာနတ်မှာ ဟိရေ (

Wikipedia ) ဖေါ်ပြစော်လာက်နင့် တော့ ဇါတခုမှ တရားမ၀င်ဘူးဆိုစော် ပြောချင်ပါရေ ။ ဒေက ပြုစုသူက တင်ပြ ထား တာဖြစ်ဗြီး ကိုယ်လိုရာ ဆွဲ တင်ထားတာစော်ဖြိုက်က်တေ ။ယင်းပိုင်ရာ ရှင်မဖြူကျွန်း ကို မြန်မာနိုင်ငံ ထဲကဇာသူမဆိုကမ္ဘာလှည့်ခရီးသည်များအတွက်တင်ပြထားရေဆိုကေလေးသွင့် အေအတိုင်း ဖေါ်ပြနီပြစော် ပါရာကာ။ ဒေချင့်က လက်တွေ့ ကျလှစော် မဟုတ်ဆိုစော်ကို ပြောစော်ရာဖြိုက်ပါရေ ။နောက်တချက်ကတော့ခါ

ရှင်မဖြူကျွ့န်းကို အုန်းကျွန်းလို့ ခေါ်ပြီး အ၈င်္လိပ်လို ( Shapuri သိုမဟုတ် Shapoori ) ယင်းအချိန်က အသိ အမှတ်ပြု ခေါ်ဝေါ်ခကတ်ပါထော ။ စိန့် မာတင်ကျွန်းလို့  နောက်မှ နာမည်ပြောင်း ခေါ်ဝေါ်စော်ရာစိပါ ဖို့ ။ ယေ ဇူးေ ကြာင့် ရှင်မဖြူ ကျွန်းသို့  မဟုတ် အုန်းကျွန်း သို့ မဟုတ် ( Shapuriိသု့ မဟုတ် Shapoori ) သို

့မဟုတ် စိန့် မာတင်ကျွန်းဟာ နာမည်လေးမျိုးတွင်ရေ ဘင်္ဂလားပင်လယ်ပြင်က ကျွန်းတကျွန်းဖြစ် ပါရေ။ ဒေ ကျွန်းကို နတ်မမြစ်ဝကနီပနာ- ၈- ကီလိုမီတာလောက်ရာ ၀ီးပနာ မောင်တောမြိုနယ်ဖက် က လူတိ ဆိုစော် တဲထိုးဗနာ ညအိပ်ညနီ ငါးဖမ်းလုပ်ငန်းကို ခုအချိန်ထိလုပ်ကိုင် သက်မွေးနီကတ်တေ့  နီရာဖြိုက်ပါရေ ။ အသုံး မကျလှရေမြန်မာနိုင်ငံအစိုးရတိက ဒေကျွန်း၏့ အရီးပါပုံကို ဇါတခုလေးသွင့် မသိရှိရေအတွက် အဆုံး ခံလိုက်စော် ဖြိုက်ပါရေ ယေ ။ ပကတိမျက်မှောက်ကာလမှာ ဘင်္ဂလားဒေ့ရ်ှနိုင်ငံ ဆိုစော် မြန်မာနိုင်ငံလောက် နယ်နမိတ်မကျယ်ဝန်းရေပိုင်လူဦးရေက -သန်း-၂၀၀- နီးပါးကို ရောက်နီဗျန်ဖြိုက်ပါရေ ။ လူဦးရေ ပေါက်ဖွါး မှုနုံး မြင့်မားလာလို့  သူရို့ မှာ နယ်မြီသစ် ရှာနီရပါဗျန်ကာ။ မကြာခင် သူရို့ ဘားက လူဦးရေ အများကြီး တိစော် မြန်မာနိုင်ငံကိုကူးစက်ပြန့် ပွါး မလာနိုင်လို့  ဇါသူတဦးတလေကမျှ တပ်အပ်သီချာ မပြောရဲရေ အခြီအနီ အခြေအနေဖြိုက်နီပါရေထော ။ ဒေကိစ္စပြသနာဆိုစော် အနာဂါတ်ကိုခြိမ်းခြောက်လာဖို့  အရာဖြိုက်တေပိုင် တားဆီးရဖို့ တာဝန်ကလေးသွင့်အဓိကသမတဦးသိန်းစိန်၏တာဝန်အဟိဆုံးပြသနာဖြိုက်တေလို့  ပြောချင်ပါရေ ။တိတိလင်းလင်းပြောချင်စော်ကတောခါ သမိုင်းကို စက္ကူစုတ်လို မလုပ်မိဖို့ လိုရေလို့ ဆိုစော်ပါရာ ။ ယေဇူးကြာင့် ရှင်မဖြူကျွန်းပြသနာကမိုးမီးလောင်လာပနာအစစ်အမှန်ပြည်သူတိလက်ထဲ ရောက်လာရလိမ့်မေလို့  မြင်မိနိ ပါရေကား ။

အောင်သာနီ

ကိုးကားစာအုပ်များ ။

-1-Stephen Van Galden –( Leiden University ) Arakan at the turn of

the first Millennium of the Arakanese era ) /

-2-Dr Jacques P Leiden ၏ Arm”s ascent during the Mrauk -U period

စာတမ်း- Expansion and Integration : The Dynamics of Growth /

-3- U San Shwe Bu – The Old Arakan